Фан дастурининг мақсади ва вазифалари
Замонавий ижтимоий ҳаётнинг мураккаб ҳодиса ва жараёнларини илмий тушуниш, амалий фаолиятда сциологик билим ва методлардан фойдаланиш малакаларини шакллантиришдан иборат.
-социология фани объекти, предмети, асосий тушунча ва категорияларини моҳиятини тушунтириш;
-социологиянинг жамият ҳаётидаги ўрни, функциялари, аҳамияти тўғрисида батафсил маълумот бериш;
-замонавий социологиядаги асосий мактаб ва йўналишлар билан таништириш
-социология фанининг асосий қонун ва тамойилларини умумий ва миллий жиҳатларини кўрсатиб бериш;
-амалий социологик тадқиқот методлари ва дастури тўғрисида маълум тассаввур ўйғотиш;
-шахс, ижтимоий гуруҳ, ижтимой жамоа ва жамиятоарга хос белги ва хусуиятларни очиб бериш, уларнинг моҳиятини очиб берши;
слциал структура, социал стратификация, социал ҳаракатчанликнинг моҳияти ва мазумунини очиб бериш орқали талабаларда жамиятда бўлаётган социал жараён, ҳодисаларни илмий таҳлил этиш;
Фан бўйича билим, малака ва кўникмага
қўйиладиган талаблар
Социал воқеликни социологик нуқтаи назардан таҳлил қилиш, жамиятдаги воқеа, жараён ва ҳодисаларни илмийлик ва мантиқийлик асосида ўрганиш, назарий социология ва амалий социологик тадқиқот ўртасидаги уйғунликни таъминлаш, мустақил ва замонавий фикрлаш, кундалик фаолиятда илмийликни таъминлаш, етук шахс бўлишда соцал меъёр кўникмаларини ҳосил қилишдан иборат.
Фаннинг ўқув режадаги бошқа фанлар билан боғлиқлиги ва услуб жиҳатдан кетма-кетлиги:
Ижтимоий ва гуманитар фанлар тизимида социология деярли барча фанларни ўзининг конкрет социологик тадқиқотлари билан бойитиб ва керакли маълумотларни айирбошлаш орқали доимо ўзаро алоқага эга. Социология иқтисодчиларга ишлаб чиқаришда инсон омилининг ўрнини, меҳнат унумдорлиги ўсишига, ишлаб чиқариш ва бошқарув вазифаларини ҳал қилишга унинг таъсирини таҳлил қилишга ёрдам беради. Ҳуқуқ билан ўзаро алоқаси ўзбек қонунчилигини амалга оширишдаги ҳолат ва тенденцияларни, давлатчиликни, фуқароларни ҳуқуқ ва эркинликларини таъминлашни баҳолашга имкон беради. Социологлар эмпирик тадқиқотларда ретроспекив таҳлил ва тадқиқотнинг тарихий усулидан кенг фойдаланишади. Социология ва сиёсатшнослик фанлари туташган жойда сиёсий социология мавжуд, бу фанни ўзлаштириш замонавий мутахассис учун жуда ҳам зарур. Социология фани демография, антропология, экология ва табиий фанлар билан ҳам ўзаро алоқага эга. Айниқса, бу ҳолат математик фанлар билан ўзаро муносабатда яққол намоён бўлади, чунки махсус математик усулларсиз эмпирик тадқиқотларни ўтказишнинг иложи йўқ.
Шундай қилиб, социология ривожида фанлараро алоқалар муҳим рол ўйнайди. Фанлараро боғликлик асосида социал психология социолингвистика, социопедагогика, социоэкология, социал хизмат ва бошқа турдош фанлар вужудга келди.
Do'stlaringiz bilan baham: |