Тартибга солинадиган иктисодиёт зарурми ёки эркин бозорми

14.3. Misrda mulk solig’i, tamg’a solig’i va boshqa mahalliy soliqlar.

Misrda quyidagi boshqa soliqlar ham mavjud:
Real mulk solig’i. U mulkning yillik ijara haqidan 10-40 foiz oralig’ida undiriladi. Ijara haqiga juda ko’p omillar ta’sir qiladi: markazdan uzoq yoki yaqinligi, uyning mebel bilan jihozlanganligi , yo’ldan yaqin yoki uzoqligi.
Tamg’a yig’imi. Uning ob’ekti bo’lib ko’p turdagi hujjatlar, kafolat xatlari, turli bank muomalalari, ro’yxatga olinmagan qimmatli qog’ozlar harakati, lizing va boshqalar hisoblanadi. Masalan, kompaniya tashkil qilinayotganda 150-300 funt miqdorida; u tijorat ro’yxatiga olinganligi uchun esa 15 funt miqdorida tamg’a yig’imi olinadi.
Meros va hadya solig’i. Ushbu soliq meros va hadyalardan 3 foizdan 15 foizgacha bo’lgan stavkada undiriladi. 10.000 funtgacha bo’lgan meros soliqqa tortilmaydi. Ushbu soliq ob’ekti bo’lib chet ellik rezidentlarning ko’chmas va harakatlanuvchi mulklari bo’lishi mumkin. Norezidentlar esa faqat Misrda joylashgan ko’chmas mulklaridan soliq to’laydilar.
Yillik soliqqa tortiladigan daromadi 18000 misr funtidan oshgan jismoniy va yuridik shaxslar 2 foiz miqdorida rivojlantirish yig’imi to’laydilar.
Ishchilar va ish beruvchilar ijtimoiy sug’urta ajratmalarini to’lashlari lozim. Bu taomil yordamga muhtojlarga nisbatan qo’llanilmaydi. Ajratma stavkasiga ishchilarning oylik ish haqi asos qilib olingan va uni ish beruvchilar 26 foiz, ishchilar esa 14 foiz stavkada to’laydilar.
1991 yilda «Tijorat solig’i to’g’risida» qonun qabul qilingan. Ushbu soliq ko’p turdagi tovarlar va ayrim turdagi xizmatlarga (asosan turizm, telekommunikatsiya xizmatlari va ko’ngilochar xizmatlarga) nisbatan qo’llaniladi. Xorijdan tijorat maqsadlarida import qilingan tovarlar ham soliq solish ob’ekti bo’ladi. Uning stavkasi 10 foizdan (asosiy stavka) 50 foizgacha (ayrim turdagi tovarlar uchun). Soliq tovarlar va xizmatlarining bahosiga qo’shiladi va iste’molchilar tomonidan savdo joyining o’zida to’lanadi. Tijorat korxonasi esa soliqni soliq idoralariga o’tkazib beradi.