Tarmoq texnologiyalari

7. Web–saytning informasion to’ldirilishini loyihalash

Web–saytni loyixalash jarayonida uning informasion to’ldirilishi–kontent (content–ichidagi bor narsalar)ga alohida e’tibor berish zarur. Web–saytning informasion va navigasion strukturalari aniqlangach, sayt alohida sahifalarni konkret ravishda informasion to’ldirilishi va uning ketma-ketligini aniqlashga kirishish zarur bo’ladi.

Buning uchun informasion to’ldirish uchun mas’ul hisoblangan odam bilan birgalikda Web–saytning har bir saxifasida qanaqa axborotlar (matn, tasvir, animasiya va b.k.) joylashganligi aniqlanadi. Barcha olingan ma’lumotlar har bir masala qarshisida bajaruvchi va bajarish muddati ko’rsatiladigan jadvalga o’tkazilishi shart.
Bundan tashqari, Web–dizayner bilan birga Web–saytning har bo’limlarida ishlatish mumkin bo’lgan sahifalar shablonlariga belgi qo’yish va ularning miqdorini aniqlash zarur bo’ladi. Masalan, “Bosh sahifa”, “Bo’lim bosh sahifasi”, “Bir sahifali maqola”, “ Ko’p sahifali maqola” va b.q.
Olingan axborotlar Web–dizayner va HTML–koder uchun to’la ish hajmini aniqlab beradi; loyihani bajarish uchun zaruriy vaqtni obyektiv baholashda yordamlashadi.
Shunday qilib, Web–saytni amalga oshirish uchun quyidagilar mavjud:

• 
  maqsadli foydalanuvchilar aniqlanadi;
  
• 
  informasion struktura aniqlanadi;
  
• 
  navigasion model tadqiq qilinadi;
  
• 
  informasion to’ldirishning hajmi aniqlanadi;
  
• 
  sahifa shablonlari xususiyati (spesifika) va miqdori aniqlanadi.
  

Bu bosqichda Web–sayt uchun masalaning ko’ndalang qo’yilishi tugallanadi. Lekin, dinamik Web–sayt uchun uning funksionalligini aniqlash, ya’ni Web–sayt dasturiy qismining zarur funksiyalarini ro’yxat qilish, “texnik topshiriqlar”ni tuzish qoldi.
Misol:
Funksional nomi: Web–sayt tashrif buyuruvchilari bilan teskari bog’lanish.
Ahamiyati.: Web–sayt tashrif buyuruvchilaridan informasion xabarlarni Web–sayt administratori tomonidan yig’ib olish.