Tarmoq texnologiyalari

 “Ta’lim ma’lumotlari”
bosqichida ta’limga doir ma’lumotlar 
olinadi va tahlil etiladi. Talaba bu jarayon natijasiga ko‘ra aqlli qarorlar 
qabul qilishi, bilim va ko‘nikmalarni takror hulosalashi, qayta yordam 
olishi hamda tizimda teskari aloqani amalga oshirishi mumkin. Tizim 
nihoyasida talaba 
muammo echimiga
ega bo‘ladi. 
O‘quv jarayonida
“Ta’limiy faoliyat
” - asosiy bosqich bo‘lib, u 
ta’lim jarayonini amalga oshirishning usul va didaktik vositalarini o‘z 
ichiga oladi. Bu bosqichda SMART-texnologiyalar bilan jihozlangan 
o‘quv muhitida integrativ elektron o‘quv qo‘llanmadan foydalanish 
metodikasi joriy etiladi va dissertatsiyaning ushbu bobining keyingi 
paragraflarda batafsil ma’lumot beriladi. 
 
§ 2.2. “Tarmoq texnologiyalari” fanidan SMART-
texnologiyalari asosida ma’ruza mashg‘ulotlarni o‘tkazish 
metodikasi 
Ma’ruza – u yoki bu ilmiy masala yoki muammoni to‘g‘ri, 
mantiqiy izchillikda va aniq izohlab berish sanaladi. Ma’ruza o‘qituvchi 
shaxsining barcha boyligi: bilimi, ongi, hissiyoti, irodasi, tuyg‘usi, 
e’tiqodi orqali talabalar ichki dunyosi bilan muloqotda bo‘lishining eng 
samarali shaklidir. Bunda ta’lim-tarbiya jarayonidan ko‘zda tutilgan 
didaktik maqsadlar o‘qitishning talaba shaxsini yo‘naltiruvchi, axborot 
berish, ilmiy dunyoqarashni rivojlantirish, metodologik va tarbiyalash 
funksiyalarini ro‘yobga chiqarishga yordam beradi. 
Ma’ruza mashg‘ulotlarining maqsadi o‘quv jarayoni davomida 
talabalarga yangi tasavvurlar, tushunchalar, qonuniyatlar, g‘oyalar 
haqida bilim berish, oldingi ma’ruza mashg‘ulotlarida talabalar 
egallagan bilim, ko‘nikma va malakalarini yanada takomillashtirish, 
rivojlantirish, tarbiyaviy amaliy ahamiyatga ega bo‘lgan ishlarga 
yo‘naltirishdan iborat [69]. 

---

60 
“Tarmoq texnologiyalari” fani ma’ruza mashg‘ulotlarining o‘qitish 
metodikasiga adaptatsiya qilish taqsimlangan ta’lim metodikasiga 
asoslangan bo‘lib, bunda o‘quv topshiriqlari an’anaviy va yangi shakllar 
orasida, ta’lim metodlari orasida, o‘quv muassasa va uydagi 
kompyuterlar orasida taqsimlanishi nazarda tutilgan. Taqsimlangan 
ta’lim metodikasi asosida tarmoq texnologiyalarini o‘qitishni Smart-
texnologiyalar bilan birga olib borishning bir qancha sabablari bor: 
1.
Talabalar yangi materialni o‘rganishlari uchun kerakli 
materiallarni o‘qituvchi tomonidan oldindan tayyorlangan sifatli va 
ko‘rgazmali shakllarda oladilar; 
2.
Dars materiallari hamma uchun ochiq hatto darsda ishtirok 
etmagan talabalar uchun ham. 
3.
O‘qituvchi talabalarning ijodiy faoliyatlarida koordinator 
vazifasini o‘taydi; 
4.
Yaratilgan bo‘sh vaqt asosida individual yo‘naltirilgan ta’limni 
yo‘lga qo‘yish imkoniyati yaratiladi. O‘qituvchi past o‘zlashtiruvchi 
talabalar bilan alohida shug‘ullanishi mumkin. 
5.
Bilimlar sifatini sinashning oddiy usullari taklif etilgan. Bunda 
o‘qituvchi kompyuter texnologiyalaridan foydalanib talabalarni qaysi 
topshiriqlarni yaxshi echmoqdalar va qaysilari qiyinlik tug‘dirayotganini 
kuzatishi va nazorat qilishi mumkin; 
Taqsimlangan ta’lim metodikasini “