Tarmoq texnologiyalari

II BOB. “TARMOQ TEXNOLOGIYALARI” FANINI 
O‘QITISHDA SMART-TEXNOLOGIYALARDAN 
FOYDALANISH METODIKASI 
2.1. SMART-texnologiyalar asosida “Tarmoq texnologiyalari” 
fanini o‘qitish uchun integratsiyalashgan o‘quv muhitini loyihalash 
“Tarmoq texnologiyalari” fanini o‘qitish zaruriyati, tuzilmasi va 
faoliyat ko‘rsatish sohalarida yuqori sur’atlar va fundamental 
o‘zgarishlar sodir bo‘layotgan hozirgi jarayonning o‘ziga xos 
xususiyatlaridan kelib chiqadi. Tadqiqotning bosh masalasi fanning 
o‘quv jarayonida SMART-texnologiyalar yordamida integratsiyalashgan 
o‘quv muhitini shakllantirish muammosini hal etishdan iborat. Tarmoq 
texnologiyalarining rivojlanishi va sun’iy intellekt sohalarini yuqori 
cho‘qqilarga erishishi o‘quv jarayonini ta’lim oluvchiga moslashishini 
ta’minlovchi tizimlarni yaratishga imkon berdi. Bundan shunday 
xulosaga kelish mumkinki, kelajakda yaratiladigan o‘qitish tizimlarining 
aksariyati tarmoq texnologiyalari va telekommunikatsiya vositalariga 
bog‘liq bo‘ladi hamda o‘zida moslashuv komponentalarini saqlaydi. 
Bugungi kunda pedagogik tadqiqotlarining tahlili ta’lim-tarbiya 
jarayonining rivojlanishiga to‘siq bo‘layotgan bir qator muammolar 
mavjudligidan dalolat beradi. Bizning fikrimizcha, muammolar asosan 
o‘rganilayotgan ob’ektlarning ba’zi bir jihat va xususiyatlarini lavhalar 
(fragment) shaklida o‘rganish natijasida yuzaga kelib, mantiqan 
bog‘lanmagan va tizimlashmaganligidadir. Amaliyotdagi bunday 
holatlarni bartaraf etishda integrativ yondashuv muhim ahamiyat kasb 
etadi.
Ta’lim-tarbiya jarayonida integrativ yondoshuvni amalga oshirish 
tizim yoki mavjud shakldagi yaxlit ob’ektning ichki va tashqi aloqalari, 
uni tashkil etish va boshqarish qonuniyatlarini bilgan holda olib borilishi 
mumkin. Kichik mutaxassislarni tayyorlashda integrativ yondashuv 
mutaxassislikka oid bilim, ish-xarakat usullari va shaxsiy sifat hamda 
fazilatlarni yaxlitligini ta’minlash uchun qo‘llaniladi [84]. 
“Tarmoq 
texnologiyalari” 
fani 
bo‘yicha 
yaratilgan 
integratsiyalashgan ta’lim muhiti talabalarga fanni chuqur o‘rganish, 
mustaqil, yakka tartibda va hamkorlikda o‘zlashtirishlari uchun o‘quv 
jarayonini tashkil etishga qaratilgan. Bu muhit “Tarmoq texnologiyalari” 
faniga doir mediaresurslar, veb texnologiya, simulyator dasturi, 
interaktiv onlayn nazorat va tahlil vositalari va Moodle LMS (ta’limni 

---

47 
boshqarish tizimi)larini integratsiyalovchi elektron o‘quv qo‘llanmasi 
hamda SMART-texnologiyalari hamkorligidagi tizimdir. SMART 
texnologiyalar asosidagi o‘quv muhitini Smart qurilmalar, simulyator 
dasturi, Moodle LMS, veb texnologiya, SMART Notebook dasturi, 
SMART Bridgit dasturi, mediaresurslar tashkil qiladi. (2.2.1-rasm.)