Tarmoq texnologiyalari

Mustaqil ish mashg‘ulotlari. 
Mustaqil ish talaba faoliyatidagi 
reproduktiv va ijodiy jarayonlarni o‘z ichiga oladi. SHunga ko‘ra, 
talabalarning mustaqil ta’lim faoliyatining uchta darajasi ajralib turadi: 
1) reproduktiv (mashg‘ulot) - mustaqil o‘quv mashg‘ulotlari modelga 
muvofiq 
amalga 
oshiriladi: 
muammolarni 
echish, 
kompyuter 
tarmoqlarini loyihalash va hokazo. Talabaning bilim faoliyati tan olish, 
tushunish va yodlashda namoyon bo‘ladi. Ushbu turdagi ishning 

---

94 
maqsadi bilimlarni mustahkamlash va ko‘nikmalarni shakllantirishdan 
iborat; 2) rekonstruktiv - mustaqil rekonstruksiya ishlari davomida 
qarorlarni qayta tuzish, reja, tezislar, izohlar tuzish jarayonida amalga 
oshiriladi. 3) ijodiy, izlanish - ijodiy mustaqil ish muammoli vaziyatni 
tahlil qilishni, yangi ma’lumot olishni talab qiladi; talaba mustaqil 
ravishda hal qilish usullarini (o‘quv va ilmiy-tadqiqot ishlari, kurs ishlari 
va bitiruv malakaviy ishlari) tanlashi kerak. Zamonaviy oliy o‘quv 
muassasalarning o‘qituvchilari kelgusida muassasa bitiruvchisi fan-
texnika yangiliklari tufayli bir qator amaliy muammolarga duch kelishini 
hisobga olishlari shart. SHunday qilib, oliy ta’limning asosiy vazifasi - 
shaxsning aniq ijodiy fazilatlarini rivojlantirish, yangi ilmiy g‘oyalarni 
idrok etish va qayta ishlash, ularni mustaqil kasbiy faoliyat sharoitida 
tahlil qilish va qo‘llash qobiliyatidir. 
Talabalarning mustaqil bilim olishini tashkil etish va o‘z bilim 
darajalarini aniqlash va bilimlarni berishda quyidagi muhim vazifalar 
turadi: 
- fanning talabalar ilmiy dunyoqarashini shakllantirishdagi 
ahamiyatini oshirish; 
- talabalarning bilish faoliyatini, mustaqil bilim olishini 
rivojlantirish negizida o‘qitishning usul va shakllarini qo‘llash hamda 
takomillashtirish; 
-zamonaviy axborot texnologiyalaridan samarali foydalanish; 
-talaba tomonidan olingan nazariy bilimlarni amaliyotga tadbiq eta 
olish; 
-talabalarning ijodiy fikrlash malakalarini shakllantirish. 
Mustaqil ta’lim uchun ajratilgan mavzularning talabalar tomonidan 
sifatli o‘zlashtirishlari uchun avvalo mavzularni o‘rganish lozim bo‘lgan 
manbalar (adabiyotlar, internet manbalari) aniq ko‘rsatilsa, shuningdek 
o‘qituvchi tomonidan ushbu ko‘rsatilgan mavzular bo‘yicha yetarlicha 
ma’lumotlar to‘plansa va ularni talabalar o‘zlashtirishlariga sharoit 
yaratib berilsagina, ta’lim sifati yaxshilanadi va o‘quv jarayonida 
samaradorlikka erishiladi. 
Mustaqil ta’limni amalga oshirish uchun “Tarmoq texnologiyalari” 
mobil ilovasi, simulyator dasturi, tematik veb sayt, SMART Bridgit, 
SMART Sync dasturlari va Moodle LMS tizimi kabi dasturiy 
vositalardan foydalanamiz. Moodle tizimida talabalar masofadan turib 
fanni mustaqil o‘rganish, o‘zaro va o‘qituvchi bilan ma’lumotlar 
almashishi va forumda ishtirok etish orqali o‘zlarining kommunikatsion 
bilimlarini oshirish imkoniga ega bo‘ladilar. Talabalar bu vizual o‘quv 

---

95 
muhitida axborotlar ustida jamoaviy va individual holda ishlashi, 
loyihalashtirilgan interfaol o‘quv sahifalari va virtual maslahatlardan 
samarali 
foydalanadilar. 
Topshiriqlarning 
bajarilishi 
o‘qituvchi 
tomonidan nazorat qilib borilib, o‘quv jarayoni ishtirokchilari o‘rtasida 
interfaol muloqot ta’minlanadi. 
“Tarmoq texnologiyalari” fanidan tuzilgan mustaqil ta’lim 
mavzularida (13-ilova) talabalarning fandan mustaqil bilim olishlari 
uchun ularga nazariy ma’lumotlarni o‘rganishlari bilan birga, amaliy 
topshiriqlar berish orqali ularning kompyuter tarmoqlari va dasturiy -
texnik vositalari, tarmoqning amaliy dasturlar imkoniyatlarini o‘rganish 
hamda ular bilan ishlay olish malakalarini yanada mustahkamlanadi. Bu 
esa talabalarning fanga bo‘lgan qiziqishlarini oshiradi, talabalar 
kompyuter tarmoqlarini loyihalash kabi ishlarni mustaqil amalga 
oshirish malakalariga ega bo‘lishadi.