Tarmoq texnologiyalari

6-laboratoriya ishi

Mavzu: “Standart turdagi ACL ro`yxatini sozlash va tekshirish”
Ishdan maqsad:

Tarmoq administratori sizning oldingizga fayl serveriga ruxsatni cheklash uchun standart nomlangan ruxsatlar ro`yxatini yaratish vazifasini quydi. Ruxsat bitta tarmokning barcha foydalanuvchilariga va boshka tarmoqning aniqlangan ishchi stantsiyasiga ta’qiqlangan bo`lishi kerak.

• 
  Standart nomlangan foydalanishga ruxsat berish ro`yxatini yaratish
  
• 
  Foydalanishga ruxsat berishlar ro`yxatini vazifalarini tekshirish
  

Qisqacha nazariy ma’lumot

ACL (Access Control List) —ruxsat berishlar ro`yxati bo`lib, bu orqali tarmoq paketlariga ruxsat berish yoki ularni ta’qiqlash mumkin. Odatda ACL IP-paketlarga ruxsat beradi yoki taqiqlaydi, lekin bundan tashqari u IP-paket tarkibini tekshirishi, paket turini aniqlashi va TCP va UDP portlarni tekshirishi mumkin. ACL turli tarmoq protokollari uchun ham mavjud (IP, IPX, AppleTalkva boshqalar). Ruxsat berishlar ro`yxati xizmati asosan tarmoq qurilmalari (marshrutizator, kommutator, tarmoqlararo ekran)da mavjud bo`lib, ichki tarmoq va internet o`rtasidagi keraksiz bo`lgan trafikni filtrlashda ishlatiladi. ACLda trafikni klassifikatsiyalash funktsiyasi uni tekshirish va qayerda qo`llanilishiga qarab aniqlanadi.

ACL turli holatlarda qo`llanilishi mumkin, masalan:

• 
  Interfeysda: paketlarni filtrlash
  
• 
  Telnet tarmog`ida: marshrutizatorga ruxsat berishni chelkash
  
• 
  VPN: trafikni qaysi qismini shifrlash lozim
  
• 
  QoS: trafik muhimlilik darajasini aniqlash
  
• 
  NAT: qaysi adreslarni translyattsiyalash lozim
  

ACL xizmati o`zida permit (ruxsat berish) yoki deny(taqiqlash)dan iborat matnlardan iborat qoidalar to`plamini qamrab oladi va shu qoidalar asosida tarmoqda paketlarni qayta ishlanish jarayonini tartibga solib turadi.