Тармоқдаги рақобатга субститут товарлар таъсири

Банд бўлмаган жойларни қамраб олиш стратегияси мазмуни
Aylanma manyovrlar agressiv narx siyosati, yalpi reklama hujumi, yoki raqibga nisbatan tovarlarni chuqur individuallashtirish orqali g’alaba qozonish kabi agressiv qarama-qarshilikni yumshatishga yo’naltirilgan. Aylanma harakatlarning ma’nosi shundan iboratki, raqiblar egallamagan, yoki kuchsiz egallagan bozor sigmentlarini jalb etishga tayyor turish demakdir. SHu bilan birgalikda bozorga xususiyatli tovarlarni taklif etish, texnologik o’sishni «sakrash» orqali tezlashtirish, yangi avlod tovarlariga ega bo’lish orqali kompaniya birinchi yurish ustunligiga ega bo’ladi.

Партизан уруши стратегияси мазмуни
«Partizanlik» hujumlari tarmoqning asosiy sardoriga hujum qila olmaydigan, kam resurslarga ega kichik va o’rta kompaniyalarga mos keladi. «Partizanlik» hujumlari «urib qochish» usulini qo’llash orqali vaqtinchalik ustunlikka ega bo’lish demakdir.
«Partizanlik» hujumlarini amalga oshirishning bir-necha yo’nalishlari mavjud.

1. 
   Asosiy raqobatchilar uchun katta qimmatga ega bo’lmagan xaridorlarni jalb etish.
   
2. 
   Raqobatchi tovarining savdo markasiga o’z qiziqishini yo’qotayotgan xaridorlarni jalb etish.
   
3. 
   Raqobatchilar katta bozor sigmentini egallaganligi tufayli resurslar tarqoqligi vaziyati vujudga kelgan bozorga e’tiborni qaratish.
   
4. 
   Tarqoqlik ta’minotni yomonlashtiradi, natijada tovar ta’minotida va xizmatida uzilishlar ro’y beradi. SHu paytda xaridorlarni o’z tovarlariga va xizmatlariga jalb etish mumkin.
   
5. 
   Ah’yon-ah’yonda marketing komplekslari orqali asosiy raqobatchilarga aktiv hujumlar uyushtirish. Bunda siz jalb etmasangiz boshqa raqobatchilar jalb etishi mumkin bo’lgan xaridorlar uchun kurashish nazarda tutiladi.
   
6. 
   Raqobatchilar vijdonsizlik bilan axloqiy va etik me’yorlarga mos kelmagan usullardan foydalanayotgan bo’lsa, qulay paytdan foydalanib, sud sanktsiyalaridan, antimonoliya, patent va reklama qonunlaridan foydalanib, ularga zarba berishni tashkil etish.