|
BlueTooth–kabelsiz tarmaq.
BlueTooth - kabelsiz tarmaq standartı bolıp tabıladı. Islew radiusı 10 - 100 metr aralıǵı bolıp, 2. 5 GGts chastotada isleydi. Ótkeriw tezligi 1 Mbit/sek. Álbette apparatlar da bul standart ushın mólsherlengen bolıwı shárt. Sonıń menen birge, qol (mobilniy) telefonı menen baylanıs bólew múmkin. Eger telefon operatorı (mısalı, Uzdunrobita) Internetge bólew imkaniyatın bersa, ol halda kompyuterden hám qol telefonınan paydalanǵan halda sımsız Internetge baylanısıw múmkin (noutbuklar ushın júdá qolay ).
Tarmaq elementlerin basqarıw
Basqarıw sistemalarında funksiyalardıń úlgili gruppaların ajıratıw jáne bul funksiyalardı ústke bólıw, basqarıw sisteması qanday formada dúzilgen, qanday elementlerden dúzilgen hám ámeliyatda bul elementler qanday arxitekturalıq baylanısıwları qollanıladı degen sorawǵa juwap bermeydi. Menejer - agent sxeması. Tarmaqtı basqarıw qálegen sistema tiykarında agentti menejer menen óz-ara háreket (baylanıs ) elementar sxeması jatadı. Bunday sxema tiykarında ámelde kóp sanlı agentler hám hár qıylı menejerli qálegen quramalılıqtaǵı sistemalar dúziliwi múmkin.
Agent basqarılatuǵın resurs hám menejer - tiykarǵı basqarıwshı programma arasındaǵı dáldalshı bolıp tabıladı. Bir menejer túrli real resursların basqarıwı ushın basqarılatuǵın resurstıń málim bir modeli jaratıladı, model resurstıń qadaǵalaw hám basqarıwǵa zárúr bolǵan xarakteristikaların sáwlelendiredi. Mısalı, marshrutizator modeli ádetde portlar sanı, olardıń túrleri, marshrutizatsiyalaw kestesi, portlardan ótken kanal, tarmaq hám transport satxlarındaǵı kadrlar hám paketler sanı sıyaqlı xarakteristikaların óz ishine aladı
Menejer agentten tek resurstıń modelinde xarakteristikalanǵan maǵlıwmatlardı aladı. Agent málim bir ekran retinde bolıp, menejerdi resursların ámelge asırılıw detalları haqqındaǵı kereksiz informaciyalardan eskertedi. Agent menejerge qayta islengen hám normallastırılǵan formada usınıs etilgen informaciyanı jetkizip beredi. Bul informaciya tiykarında menejer basqarıw boyınsha qarar qabıl etedi, sonıń menen birge basqarılatuǵın resurs jaǵdayı haqqında maǵlıwmatlardı jáne de ulıwmalastırıwdı atqaradı, mısalı, port júklemesin waqıtqa baylanıslılıǵın dúzedi.
Obiektten zárúrli maǵlıwmatlardı alıw ushın, sonıń menen birge oǵan basqarıwshı tásirlerdi beriw ushın agent real resurs penen ayırım standart bolmaǵan usıl menen háreketde (baylanısta ) boladı. Eger agentler kommunikacion úskeneler ishine jaylastırılsa, apparattıń ishki uzellerin agent penen óz-ara noqatları hám háreket usılları bar bolıwı názerde tutıladı. Menejer hám agent basqarıw resursınıń birdey modellerin iyelewleri kerek, keri túrde olar bir birlerin túsinbewleri múmkin. Lekin bul modellerden agent hám menejer paydalanıwında sezilerli parq bar bolıp tabıladı. Agent basqarılatuǵın resurs modelin usı resurstıń ámeldegi mánisleri menen toldıradı, sol munasábet penen agent modelin basqarıwshı informaciyanıń maǵlıwmatlar bazası (Management Information Base - MIB) dep ataydılar. Menejer modelden, resurs ne menen xarakterlenedi, qanday xarakteristikalardı sorap alıw múmkin hám qanday parametrlerdi basqarıwı múmkin ekenligi tuwrısında biliwi ushın paydalanadı. Menejer agentler menen standart protokol boyınsha baylanısta boladı. Bul protokol menejerge MIB bazasında saqlanıp atırǵan parametrler mánislerin sorap biliw, sonıń menen birge agentke apparattı basqarıw ushın tiykar bolatuǵın basqarıw informaciyanı uzatıw imkaniyatın beriwi kerek. Basqarıwdıń inband basqarıwı, yaǵnıy paydalanıwshı maǵlıwmatlarınıń uzatıw kanalı boyınsha basqarıw, hám out-of-band basqarıwı, yaǵnıy paydalanıwshı maǵlıwmatları uzatılıp atırǵan kanaldan tısqarı basqarıw túrleri bar. Mısalı, eger menejer agent penen marshrutizatorǵa ishki ornatılǵan SNMP protokolı boyınsha, usı waqıtta paydalanıwshı maǵlıwmatları uzatılıp atırǵan lokal tarmaq arqalı baylanısta bolsa, bul basqarıw inband basqarıwı boladı. Egerde menejer chastotalıq tıǵızlastırıw texnologiyası FDM boyınsha islep atirǵan baslanǵısh tarmaq kommutatorın, agent jalǵanǵan X. 25 ayrıqsha tarmaq járdeminde qadaǵalaw qılıp atırǵan bolsa, bul basqarıw out-of-band basqarıwı boladı.
Tarmaq islep atırǵan kanal boyınsha basqarıw salıstırǵanda qolaylılaw bolıp tabıladı, sebebi bunda basqarıw maǵlıwmatların uzatıw ayrıqsha infrastrukturasın jaratıw talap etilmeydi. Lekin out-of-band usılı salıstırǵanda isenimlilew bolıp tabıladı, sebebi bul usıl tarmaqtıń ayırım elementleri isten shıqqan túrde hám tiykarǵı kanallar boyınsha úskenelerge baylanısıw múmkin bolmay qalǵanda da, tarmaqtı basqarıw múmkinshiligi saqlanıp qaladı. Kóp júzeli basqarıw sisteması TMN standartı óz atında Network sózine iye, bul ulıwma túrde out-of-band rejimin támiyinleytuǵın bólek basqarıw tarmaǵı jaratılıwına túrtki beredi.
Ádetde menejer bir neshe agentler menen isleydi, olardan alınǵan maǵlıwmatlardı qayta isleydi hám olarǵa basqarıw tásirlerin shıǵaradı. Agentler basqarıw apparatlarına ishki kiritiliwi múmkin, sonıń menen birge qandayda -bir interfeys boyınsha basqarılatuǵın úskene menen baylanısqan túrde, ayrıqsha kompyuterlerde islewi múmkin. Menejer ádetde ayrıqsha kompyuterde isleydi, ol sonıń menen birge operator yamasa sistema administraciyası ushın basqarıw konsoli rolin atqaradı. Menejer- agent modeli ǵalabalıqlasqan basqarıw standartları negizinde jatadı, máselen, SNMP protokolı tiykarındaǵı Internet standartları hám CMIP protokolı tiykarındaǵı ISO/OSI basqarıw standartları usılar túrinen bolıp tabıladı.
Do'stlaringiz bilan baham: |
