Tаrjimоn dаsturlаri va ulardan foydalanish

Lug’atni tanlash

Foydalaniladigan lug’atlar ro’yxati axborot panelidagi foydalaniladigan lug’atlar qo’shimcha varaqasida keltirilgan. Lug’atlar ko’rsatilgan tartibda ko’riladi, shu bilan birga keyingi lug’atga o’tish ko’rilayotgan lug’atda kerakli so’z bo’lmagan taqdirdagina amalga oshiriladi. Tarjima sifatiga nafaqat lug’atlarning soni, balki ularning dasturda terilish tartibi ham ta‘sir ko’rsatadi. Shunga alohida e‘tibor berish kerakki, dasturdagi terilishda, odatda, birinchi bo’lib iste‘mol lug’ati turadi. Iste‘mol lug’atlari tahrir qilish va o’zgartirish uchun ochiq bo’ladi. Shu tariqa, foydalanuvchi tomonidan to’ldirilgan va o’zgartirilgan maqolalar birinchi navbatda e‘tiborga olinadi. Foydalanilayotgan lug’atlar ro’yxatini o’zgartirish uchun Словари (lug‘atlar) menyu bandini va tarjimaning kerakli yo’nalishini (masalan, русско-английский yoki англо-русский) tanlash kerak. Shu- ningdek Перевод asboblar panelidagi Словари (lug‘atlar) bandini bosish mumkin. Bunda tarjimaning tanlangan yo’nalishiga muvofiq keluvchi qo’shimcha varaqadan iborat bo’lgan Словари (lug‘atlar) muloqot oynasi ochiladi. Bu muloqot oynasi qo’shimcha lug’atlarni ko’rish, ulash va o’chirish, yangi iste‘mol lug’atlarini yaratish, shuningdek lug’atlarni ko’rish tartibini boshqarish imkonini beradi, Shu bilan birga har ehtimolga qarshi qo’shimcha lug’atlarni ko’shish tavsiya etilmaydi, chunki bu dastur ishini sekinlashtiradi va tarjima sifatiga salbiy ta‘sir ko’rsatadi.