Tаrjimоn dаsturlаri va ulardan foydalanish

Lug’atlar bilan ishlash

Avtomatik tarjimaning sifati qanday lug’atdan foydalanilayotganligiga bog’liq. Promt tizimi umum iste‘moldagi so’zlardan iborat bo’lgan bosh lug’at, shuningdek, turli sohaning ixtisoslashgan lug’atlarini o’z ichiga oladi. Ixtisoslashgan lug’atlarga bo’lgan zaruriyat inson faoliyatining turli jabhalarida ushbu sohaga tegishli tushunchalarni ifodalovchi turli termin (atama)lar qo’llanilishi bilan bog’liq Bu terminlardan ba‘zilari o’ziga xos ma‘noga ega bo’lishi, ba‘zilari kundalik turmushda, ba‘zilari boshqacha ma‘noda ishlatilishi mumkin. Maxsus matnlar tarjimasida terminlar faqat muvofiq keluvchi mazmunda ishlatilishi kerak. Misol uchun inglizcha solution so’zini olamiz. Universal lug’atlar uni har xil tarjima qilishlari mumkin. Lekin u matematikada yyechim deb, kimyoda esa qorishma ma‘nosini anglatadi. Tarjima sifatini oshirishning boshqa usuli dasturga u tarjima qila olmaydigan yoki tarjima qilmasligi kerak bo’lgan ba‘zi so’zlarni ishlatish usulini ko’rsatishdan iborat. Buning uchun tarjima qilinmaydigan so’zlar (masalan, Windows) band qilib qo’yish va dastur lug’atida bo’lmagan so’zlar tarjimasining kridalarini berish zarur.