Tariyx fakulteti

I. Oqıw pániniń aktuallıǵı hám joqarı kásiplik tálimdegi ornı

Bul dástúr «Orta Aziya arxeologiyası» pánin úyreniwdiń áxmiyetin, arxeologiya derekleri hám olardıń insaniyat jámiyeti tariyxı hám mádeniyatın úyreniwdegi áhmiyetin, Orta Aziyanıń tas dáwiri xojalıǵı, materiallıq mádeniyatı, islep shıǵarıwshı xojalıqtıń qáliplesiwi, paleometall dáwiri suwǵarma diyxanshılıq rawajı, Orta Aziyanıń lokal mádeniyatları qásiyetleri, erte urbanizaciyanıń qaliplesiwi, qánigelesken islep shıǵarıw rawajı, ideologiyalıq-diniy kóz-qaraslar, áyyemgi dáwir etno-mádeniy processler, áyyemgi hám orta ásirler dáwiri qala mádeniyatı, xojalıq qásiyetleri, islep shıǵarıw, materiallıq hám ruwxıy mádeniyatı qásiyetleri kibi túsinikler hám bilimler mazmunı hám áhmiyeti ashıp beriledi.

Sonday-aq, «Kadrlar tayarlaw Milliy Dátúri»de kórsetip ótilgen student-jaslardıń tariyxıy dúnya qarasın bayıtıw, olarda erkin pikirdi qarar taptırıw, tariyxtı tereń dárejede biliw, insaniyat civilizaciyasınıń jetiskenliklerinen hám tájiriybesinen tolıq paydalanıw, ulıwma insaniy qádiriyatlardı ańlap jetiwge kómeklesiw hám bar bolǵan mashqalalardıń tariyxıy tamırların izlep tabıw kibi aktual máselelerdi úyrenedi.