Тарихни ўҚитишда технологиялар ва лойиҳалаштириш фанидан (маъруза матни) 5-мавзу

Эгилувчанлик янги ПТларга хос асосий принцип ҳисобланади ёхуд у ПТнинг қўлланиш соҳаларини таълим мазмуни хажмига мос ҳолда бирмунча кенгайтиради. Гап шунда-ки, у ёки бу мавзу бўйича лойиҳаланган технология ҳеч бўлмаганда фан бўлимлари чегарасида эгилувчанлик хусусиятига эга бўлиши керак. Ўқитув-чида кам куч ва кам вақт сарфи эвазига фан мавзулари бўйича дидактик жараён тузилмасини ташхисли мақсадга мувофиқ тарзда алмаштира олиш ёки қайтадан лойиҳалаш имкони мавжуд бўлади. Мисол учун, физика фанининг "Куч" мавзуси бўйича лойиҳаланган технология аниқ ўрнатилган мавзу мақсадига мувофиқ кичик ўзгаришлар билан "Иш" мавзуси учун ҳам қўллаш имкони бўлса, шубҳасиз, лойиҳа муаллифи эгилувчанлик принципига таяниб иш кўрган бўлади. Эгилувчанлик принципи асосида яратилган ПТлар таълим босқичларининг турлари учун ҳам қўл келади. Бу ерда фан дастури мавзулари бўйича ЎЭ сони ва уларнинг мазмуни хажм жиҳатидан ўзгаради, холос. Бу фикрни мисол ёрдамида тушун-тиришга ҳаракат қиламиз. Маълумки, кимё фани тегишли бўлган барча таълим муассасаларида (умумий ўрта мактаб академик лицей, касб-хунар коллежи, олий мактаб) ўқитилади. Шу фаннинг "Кислоталар" мавзуси бўйича олий мактаб талабалари учун лойиҳаланган технологияга қисман ўзгартиришлар киритган ҳолда умумий ўрта мактаб ўқувчилари учун ҳам қўллаш мумкин. Бу ерда ўқув материалининг хажми (Q) ва ўқувчиларнинг юкланганлик коэффиценти () ҳисобга олиниши керак.
Шундай қилиб, ПТнинг эгилувчанлигини таъминлаш ўқитув-чидан дидактик жараённи кўриш қокуниятлари билан чуқур таниш бўлишни тақозо этади.