Targ'ibot uchun Urushning maqsadi urush

Targ'ibot targ'ibot uchun
Urushning maqsadi urush
Islohotdan maqsad islohot
Targ'ibotning maqsadi targ'ibot
(Jorj Orruel 1984)
Biz kun davomida sarflayotgan sarflayotgan vaqtimizning bor yo'g'i 20 foizi haqiqatdan ham biz uchun kerakli ishga yo'naltirilar ekan (bu kun bo'yi bekorchilik qiladigan insonlarga tegishli emas albatta. Kun bo'yi ma'lum ish qiladigan shaxslar uchun mo'ljallangan ma'lumot). Hozirda davlat tashkilotlarida yuqori mansablarda faoliyat yuritayotgan ko'pgina shaxslar majlisbozlik ,,kasal"idan aziyat chekmoqdalar. 2020-yil dekabrda N.Norboyev va R.Nurmuhammedovlar o'tkazgan tajribalarga ko'ra tadqiqotda qatnashgan 208 respondentlarning 61.1 foizi har kunimajlis bo'lishi to'g'risida ma'lumot bergan.
Prezidentimizning 2019-yil 9-dekabrdagi 4546-sonli ,,Byurokratik to'siqlarni qisqartirish hamda davlat organlari va tashkilotlari faoliyatiga zamonaviy boshqaruv tamoyillari joriy qilish chora tadbirlari to'g'risida"gi farmoyishi ijrosi o'laroq majlisbozliklar ancha qisqargan desak mubolag'a bo'lmaydi.
Hozirda prezidentimiz ko'plab yangi islohotlar amalga oshirmoqdalar xuddi birinchi prezidentimiz Islom Abdug'aniyevich Karimov kabi. Misol uchun hozirda prezidentimiz ,,xalq bilan bo'l", ,,xalqni dardini tingla" deb aytmoqdalar. Buning natijasi o'laroq ko'pgina amaldagi shaxslar fuqarolar orasiga kirib ularni tinglayapti, bilmagan narsalarini o'rgatyapti.
Shu islohotlardan ham o'zlari uchun yangicha g'oyalar o'ylab topayotgan ayrim amaldorlar ham mavjudki ularni aytmasdan iloji yo'q. Davlat tashkilotlarida faoliyat yuritayotgan shaxslarning ayrimlari fuqorolar orasiga keladi, mana xalqni yonidamiz, ularni tinglayapmiz, muammolariga yechim topishga harakat qilyapmiz deb turib suratga tushib qaytib ketishyapti. Ayrimlari yig'ilishga kelib kimgadur suratga oldirib chiqib ketishyapti. Misol tariqasida yaqinda guvoh bo'ldim bir oliy ma'lumotga ega o'qituvchi kitob o'qib turgan bolani yoniga kelib bola salom bersa alik ham olmasdan ortimdan yur dedi. Nima bo'layotganini ham tushunmagan bola sarosimaga tushib kitobni ham yig'ishtirib o'qituvchining ortidan 4-5 talar chamasi suhbatlashib o'tirgan bolalarni yoniga bordi. Shunda o'qituvchi suhbatlashib turgan bolalarga kitob olib o'qigan bo'lib turinglar dedida avvalgi biz bilgan bolaga telefonini tutqazdida suratga ol men buni ,,yuqori"dagilarga jo'natishim kerak dedi. Qo'shtirnoq ichidagi ,,fotosessiya" tugagach o'qituvchi shunchaki ketib qoldi
Hozirda ayrim davlat idoralarida, ta'lim muassasalarida ,,islohot islohot uchun" shiori amal qipmoqda. Aytaylik bir ta'lim muassasida yoshlarni kitobxonlikka da'vat etish reytingini ko'tarish kerak. Biz shuni ma'sul shaxs borgan kitoblarning foydasini gapirgan, da'vat etgan holatini ko'p kuzatamiz. Ammo undan keyinchi....... Tamom. Bo'ldi boshqa narsa deyarli eshitmaymiz o'sha ayrim idoralar haqida. Bo'ldi bu haqida eshitmagmiz ham eslamaymiz ham. Bunda bizda ham ayb juda katta o'zimiz to'sqinlik qilmaymiz bittamiz savol bersak qolganlarimiz jim o'tir sen uni darajasiga yetsang gapirasan demiz. Bulardan batamom qutulmoqchi bo'lsak birinchi galda xalqni sizni aziz tinglovchi va men kabi farzandlaringizning dunyo qarashini kengaytirish kerak deb bilaman. Ammo hozir bunga to'xtalmaymiz chunki bu so'zlarning o'zi butun boshli kitob bo'lsa ham mavzuni to'liq ochib bera olmasam kerak deb qo'rqaman va albatta mavzudan chetlashishga to'g'ri kelishi mumkin.
Biz nega amaldorlarning islohot o'tkazganini maqtashimiz ommaga havola etishimiz kerak undan ko'ra islohotni natijasini ko'raylik, xalqqa yetkazaylik. Shunda yuqoridagi shaxslarning haqiqatdan ham ishlagan ishlamagani aniq bo'larmidi ehtimol.