Тарбияси оғИР” ЎҚувчилар билан ишлашда психокоррекцион фаолиятнинг ўрни” мавзусида ўтказиладиган тренинг дастури

2-машқ. “Ғазаб формуласи” (10минут)
Мақсад: Ғазабни ҳосил қилувчи омилларни аниқлаш
Бошловчи: Сиз нима деб ўйлайсиз, формула орқали математика ёрдамида ўз ҳис туйғуларимизни ифода этиш мумкинми? Келинг синаб кўрамиз, мисол учун ғазаб туйғусини оламиз:
Адолатсизлик+норозилик+шахснинг тан олинмаслиги+жахл+...=ҒАЗАБ ФОРМУЛАСИ
Иштирокчилар содир бўлиши мумкин бўлган вариантларни муҳокама қиладилар.


3-машқ. Менинг ғазабим машқи. (10 минут)
“Мен ғазабни чизаман”
Ўзингизга қулай холатда жойлашиб олинг, кўзларингизни юмиб, диққатингизни жамланг, фақат менинг сўзларимни тингланг, фақат мени... Танангизда бўшаши тўлқинини ҳис этиб бормоқдасиз. Танангиз қандайдир оғирлашиб бормоқда. Бўшашишнинг илиқ тўлқини танангизбўйлаб тарқалмоқда.
Тасаввур қилинг, чиройли атир гулни, қўнғироқчаларнинг жарангини, қулупнайнинг мазасини, кўм-кўк осмонни...
Энди эса ўзингизни кўз олдингизга келтиринг. Сўнгги бор сизда ғазаб туйғусини уйғотган вақтни эсланг, ўшанда шунчалар ғазабда эдингиз-ки, ҳозир ҳам сиз мана шу ҳолни ҳис қилаяпсиз, Сизнинг қалбингиз ғазабга тўлиб тошган, сиз уни кўрмоқдасиз, у сизда нафратни кучайтириб ақлингизни сусайтиришда давом этмоқда. Яхшилаб эътибор беринг – сизнинг ғазабингиз қандай кўринишда? Унинг шаклига эътибор беринг, унинг ҳиди, вазни, ҳарорати қандай? Унинг овозини эшитдингизми? Уни синчиклаб, ҳар томонлама кузатинг.
Энди учгача санайман, кўзларингизни очасиз, 1,2,3...
Бошловчи: Ғазабингизни кўра олдингизми? Энди уни қоғозга чизамиз. Унинг шакли, рангига эътибор берамиз. У қандай кўринишда бўлса, шундай чизинг.


4-машқ. “Арт-терапия” (5 минут)
Чизилган ғазаб сурати турли гуллар, рангли фломастерлар билан нақшлар чизилиб, у қандайдир маъно акс эттирувчи суратга айлантирилади. Сўнгра иштирокчиларга ғазабни бошқариш бўйича тавсиялар берилади.


5-машқ. “Позитив тил” (10 минут)

Мақсад: Позитив тил билан гаплашишга ўрганиш

Иштирокчиларга ўзларига ёқмаган ҳислатлар рўйхатини ёзиб чиқиш таклиф қилинади ва уларни ижобий номлашга ҳаракат қилинади:
Масалан:
Қайсар – тиришқоқ
Қўрқоқ – эхтиёткор
Эзма – суҳбатни яхши кўрадиган
Сусткаш - сермулоҳаза