Taraqqiyot psixologiyasi va differensial psixologiya

Temperament va kasbni tanlash

Uyidagi multfilm qahramonliridan birini tanlang. Temperament va kasb tanlash bo’yicha ham metodikalar bor mazkur metodikani 7-sinf o’quvchilarda o’tkazib ko’rdim.

Karlsonni tanlagan bo‘lsangiz...
Siz xushchaqchaq, serg‘ayrat va qiziquvchansiz. Sizning yuzingizdan kayfiyatingizni, biror narsaga munosabatingizni oson bilib olish mumkin. Kayfiyatingiz ko‘pincha a’lo darajada. Istasangiz, o‘z hissiyotlarinigiz va tuyg‘ularingizni jilovlay olasiz. Tadbirkor va tartib-intizomlisiz. Diqqatingizni jalb qilgan har qanday narsaga oson xayrixohlik bildirasiz.
Siz muloqotga oson kirishasiz va ko‘ngilchansiz. Yangi odamlar bilan tez chiqishib ketasiz. Har doim yordamga kelishga tayyorsiz. Yangi muhit va talablarga tez ko‘nikasiz, kerak bo‘lganda yangiliklarni oson o‘rganasiz. Yangi narsalarni tez qabul qilasiz. Muvaffaqiyatsizliklar va tanqidni xotirjamlik bilan qabul qilasiz. Yangi vaziyatlarga oson moslasha olasiz. Notanish, murakkab vaziyatlarda esankirab qolmaysiz. Boshlagan ishingiz sizni qiziqtirmay qolgudek bo‘lsa – tez soviysiz, oxirigacha yetkazmaslgingiz mumkin. O‘zingizga yuqori baho berish sizga juda xos. Ba’zida tarqoqsiz, yig‘ilib olishga qiynalasiz, qaror qabul qilishda shoshilasiz.
Timsoh genani tanladingiz
Siz atrofingizda hamma xursandchilik qilaytganda ham vazmin va xotirjamsiz, sovuqqonsiz va rejalisiz. Sizni kuldirish va xafa qilish juda qiyin. Kayfiyatingiz barqaror, osoyishta. Ishlab chiqilgan kun tartibiga qat’iy rioya qilasiz. Sizni o‘zingizdan chiqarish, hayajonga solish qiyin. Yangi insonlar bilan qiyin chiqishasiz, faqatgina uzoq vaqt bilgan odamlaringizgagina ishonasiz. Siz yaxshigina ehtiyotkorsiz.
G‘ayratlisiz, ishchansiz, chidamlisiz. Sizning matonatingiz, o‘zingizni tuta bilishingiz juda yaxshi rivojlangan, mustahkam, bama’ni va doim bir xilsiz, o‘zgaruvchan emassiz. Kuchingizni bo‘lar-bo‘lmasga sarf qilavermaysiz. Sizga beozorlik va muloyimlik xos, o‘z shaxsingizga nisbatan piching va kesatiqlarga xotirjam munosabat bildirasiz. Hamma narsada saranjomlik va tartiblilik sizga xos. Diqqatingizni boshqa narsaga ko‘chirishingiz qiyin va yangi muhitga qiyinlik bilan moslashasiz. Ko‘nikma va odatlaringizni juda sekinlik bilan o‘zgartirasiz.
Siz yangi faoliyatga diqqatingizni jalb qilishingiz qiyin, lekin moslashib olgach, umuman chalg‘imaysiz. Boshlagan ishingizni oxiriga yetkazasiz. Siz charchoq bilmaydigan mehnatkashsiz.