Taqrizchilar: S. J

Rasm 7.11. Ikki zonali qaynovchi qatlam pechining sxemasi: 1- dastlabki issitish zonasi; 2- kuydirish zonasi; 3- qaynovchi qatlam sovitgichi; 4- qoplangan siklon; 5- xavo purgagich; 6- bo‘shatuvchi klapanli yopqich; 7- gazni uzatish; 8- tashqi oqim uchun sektorli yopqich; 9- issitish zonalari uchun siklon


Rasm-7.12. Keramzit qumini ishlab chiqarish sexi texnologik sxemasi: 1- bolg‘ali tegirmon; 2- cho‘ktiruvchi siklon; 3-elevator; 4-bunker;5-qaynovchi qavat qozoni SMS-139; 6-ventilyatorlar; 7-siklonlar batareyasi; 8-elektrofiltr; 9- sovitgich; 10- ichi qoplangan siklon; 11-tayyor mahsulotlar ombori; 12-engli filtr.
Pechning kuydirish zonasiga uzatilayotgan gilli donalar qaynovchi qatlamning issitish zonasida 300 ⁰S gacha qizdiriladi, kuydirgandan so‘ng tayyor keramzit qumi qaynovchi qatlamning sovitish uskunasida sovitiladi. Qumning mayda fraksiyalari bir qismi kuydirish zonasidan gaz bilan chiqib siklonga tushadi va cho‘kadi, tozalangan gazlar esa pechning dastlabki issitish zonasiga uzatiladi.
Qaynovchi qatlam pechining (SMS-139) pasport bo‘yicha mahsuldorligi 6,7 m³/soat bo‘lib, foydalanish koeffitsienti Ri =0,85. Olingan keramzit qumining uyma zichligi 500-700 kg/m³. Keramzit qumining donadorlik tarkibiga qo‘yiladigan talab tabiiy qum kabi bo‘lib, faqat tarkibda yirik fraksiyalar ko‘p bo‘lishi lozim .
Keramzit qumi olishning xususiyatlari va tannarxi bo‘yicha samarali yo‘nalishdagi muammolar to‘liq hal etilgani yo‘q. SHu sababli ba’zan keramzitobeton ishlab chiqarishda mayda to‘ldiruvchi sifatida ko‘pchigan perlit yoki tabiiy qum ishlatiladi.
Keramzit qumini qaynovchi qatlam pechlarida ishlab chiqarish keramzit shag‘alini olish sexlari qoshida bajariladi, bunda xomashyo sifatida quritish barabanidan chiquvchi granulalar - yarim tayyor mahsulotlar ishlatiladi.
Yiliga 50 ming m³ keramzit qumini ishlab chiqarish sexi texnologik sxemasi rasm5.15 da keltirilgan. Ushbu sexni keramzit shag‘ali ishlab chiqarish korxonasi maydoniga joylashtirish nazarda tutilgan. Ish rejimi - yil davomida uch smenada.
Ishlab chiqarish jarayoni quyidagilardan iborat: sexning tayyorlash bo‘limida olingan va quritilgan granulalar xomashyo zaxirasi bunkeriga uzatiladi, so‘ngra bolg‘ali tegirmonda quritiladiva maydalanadi. Yirikligi 5 mm gacha gil donalari (namligi 8-12%) tindiruvchi siklonda ajratilib ikki zonali qaynovchi qatlam pechining sarf bunkeriga yuboriladi. Issitish zonasi harorati 200-400⁰S, kuydirish zonasi harorati- 1000-1100⁰S ni tashkil etadi. Keramzit qumining asosiy qismi (70⁰S gacha) kuydirish zonasidan qaynovchi qatlam sovitgichiga tushadi, u erda 120-180 ⁰S gacha sovitiladi. Qolgan chang va zarralar (30% gacha) qoplamali siklonga yuboriladi. Sovitgich va siklondan keramzit qumi pnevmatransport sistemasiga, so‘ngra tayyor mahsulot omboriga jo‘natiladi.
Keramzit qumi ishlab chiqarish sexining tayyor mahsulotlar ombori ikkita silosdan iborat bo‘lib, ular bir vaqtda yoki ketma-ket to‘ldiriladi.
Keramzit qumi avtotransport yoki temir-yo‘l transportlarida jo‘natiladi.
O’z-o’zini tekshirish uchun savollar:

1. 
   Keramzit qumi olishni tushuntiring?
   
2. 
   Keramzit qumi ishlab chiqarishning texnologik sxemasini keltiring?
   
3. 
   Keramzit qanday sohalarda ishlatiladi?
   
4. 
   Keramzit qumi ishlab chiqarishda qanday uskunalar ishlatiladi?
   
5. 
   Keramzit ishlab chiqaruvchi korxonalar asosan qanday fraksiyalardagi
   

mahsulotlarni ishlab chiqaradi?

6. 
   Keramzit xom granulalarini plastik usulda tayyorlash va SMS-197 qurilmasida kuydirishning texnologik sxemasini tushuntiring?
   
7. 
   Ikki zonali qaynovchi qatlam pechining ishlash sxemasini keltiring?
   
8. 
   Ikkt yoki uch qatlamli devor panellarida keramzit qo‘llashning
   

afzalligi nimadan iborat?
4-§. Agloporit ishlab chiqarish texnologiyasi