Taqrizchilar: Geografiya fanlari doktori, professor

Safar hujjatlarini rasmiylashtirish. Bu shartlar turistning safar uchun zarur harajatlarni berishi va rasmiylashtirish tartibini belgilash lozim. Misol uchun, turoperator xalqaro safar biletlarini rasmiylashtirishga, chiqish vizasini rasmiylashtirish uchun xorijiy konsullikka so‘rov bilan chiqishga majbur. Turagent turist bilan vaucher, turputyovka, marshrut varaqasi va banklarga shartnoma rasmiylashtiradi.
Safarni o‘zgartirish va bekor qilish. Agent bitimida e’lon qilingan va sotilgan turlarni turoperator, shuningdek turagent (turist) tashabbusi bilan o‘zgartirish va bekor qilish imkoniyatlari ham ko‘zda tutilgan. Bu holat uchun choralarni javobgar tomon belgilaydi (bekor qilish muddati, bekor qilinganda jarima, harajat va qaytarilmaydigan summa hajmlari va boshqalar).
Tomonlar javobgarligi. Xizmat ko‘rsatishga rioya etilishi, turist shikoyatini ko‘rib chiqish va yetkazilgan moddiy va ma’naviy zarar uchun tovon to‘lash, ularni vujudga kelishi ehtimoli barcha holatlari va tuzatish uchun zarur choralarni qamrab oladi.
11.3. Turoperatorlarning xalqaro turlarni tashkil etish xususiyatlari
Xalqaro turistik sayohatlarni tashkil etishda bir mamlakat turistik firmasi boshqa mamlakat turistik firmasi bilan hamkorlik qiladi. Bu turistik firmalar o‘rtasidagi aloqa quyidagicha ko‘rinishda bo‘ladi:
Jadval 28
Xorijiy turistlarni qabul qilishda milliy va xorijiy turfirmalarning o‘zaro harakati.

Qabul qilish bo‘yicha turoperator Tur xizmatlar yetkazib beruvchilar

Manba: Ekonomika i organizatsiya turizma. M. 2006
Yuqoridagi jadvalda ko‘rsatilgan turoperatorlik funksiyasi quyidagicha taqsimlanadi:

1. 
   Xorijiy turoperator o‘z mamlakati chiqish turizmi bozorida turmahsulot sotish, uning harakatini ta’minlaydi va turistlarning xalqaro tashishini tashkil qiladi;
   
2. 
   Turoperator turmahsulotni shakllantiradi va xizmatlar paketiga narx qo‘yadi, shuningdek kelgan xorijiy turistlarga sifatli xizmat ko‘rsatishning tashkil etilishini ta’minlaydi.