Taqdimotlar yaratish

Namunalar bilan ishlash.

Prezentatsiya qiyofasini yaxshilash uchun uning barcha slaydlarini bir maromda jihozlash kerak. Bundan tashqari hamma slaydlarga bittagina dizayn elementini joylashtirish uchun zaruriyat paydo bo‘ladi. Shuning uchun PowerPoint da barcha slaydlar uchun bir xilda jihozlash imkoniyati mavjud. Bu namunalar bilan ishlash rejimida amalga oshiriladi. Bu rejimga kirish uchun “Vid” menyusidan “Obrazets” komandasini chaqirish darkor. Menyuda slaydlar uchun “Obrazets slaydov” va “Obrazets zagolovkov” komandalari ko‘rsatilgan.

Ikkinchi komanda titul slaydlarning namunasini aniqlashda, birinchisi esa prezentatsiyaning barcha qolgan slaydlar qiyofasini aniqlashda ishlatiladi.

“Obrazets slaydov” komandasida har bir namuna uchun qanday o‘zgartirishlar kiritish uchun nima qilish kerakligi to‘g’risida yo‘l-yuriqlar keltirilgan.

Shunday qilib, biz harflarning xilini, o‘lchamini tanlashimiz, so‘zboshining parametrini aniqlashimiz, namuna o‘lchamini o‘zgartirishimiz, unga rasm joylashtirimiz yoki qandaydir grafik element chizishimiz mumkin bo‘ladi.

Namunaga joylashtirilgan barcha elementlar har bir prezentatsiya slaydida paydo bo‘ladi, kiritilgan o‘zgartirishlar esa shu zahotiyoq qolgan slaydlarda ifodalanadi.

Shunday qilib PowerPointda individual dizayn hosil qilish va barcha prezentatsiyalar uchun bir xilda bo‘lishi kerak bo’lgan elementlarni aniqlash mumkin.