Taqdimot o‘zbekiston respublikasi oliy va o‘rta mahsus ta’lim vazirligi toshkent davlat texnika universiteti

Mayli, qashshoq bo’lsin mayli, behasham,

Lekin mening uchun aziz va suyuk.

Jahon minbarida yangramasa ham

Ona tilim menga muqaddas, buyuk…

Rasul Hamzatov

Ming yillarkim, bulbul kalomi

O’zgarmaydi, yaxlit hamisha.

Ammo sho’rlik to’tining holi

O’zgalarga taqlid hamisha.

Ona tilim, sen borsan, shaksiz

Bulbul kuyin she’rga solaman.

Sen yo’qolgan kuning, shubhasiz,

Men ham to’ti bo’lib qolaman…

Abdulla Oripov

Til – millat ko‘zgusi, uning o‘zligini, ma’naviy qiyofasini ko‘rsatuvchi bebaho boylikdir. Ona tilini muqaddas bilish o‘zini, qadr-qimmatini, g‘ururini anglash, tarixini, milliy qadriyatlarini hurmat qilish demakdir.

• 1989 yilning 21 oktyabrida respublikamizda «Davlat tili haqida»gi Qonun qabul qilindi. Unga ko‘ra, tilimizga davlat tili maqomi berildi. Bu Qonun millatning qismatiga bevosita daxldor edi. U tilimizning ro‘yobga chiqishi va imkoniyatlari ochilishiga zamin yaratdi. Tilga ma’naviy-madaniy meros, umummilliy boylik, oliy qadriyat sifatida yondashuv shakllandi. Tilni milliy ruh va milliy imkoniyatlar asosida ilmiy tadqiq etish harakati kuchaydi, tilning ilmiy, diniy, rasmiy va idoraviy uslublari shakllandi, yangi darsliklar, butun bir atamalar tizimi, bir tillik, ikki tillik, uch tillik lug‘atlar yaratildi. Qonun va yurisprudensiya tili, ifodalash uslubi yuzaga keldi.