Tanishuv amaliyoti hisobot I

Tanishuv amaliyoti

H I S O B O T I

K i r i sh
1. «Uchqo’rg’on Yog’» ochiq aktsiyadorlik jamiyatining tashkiliy – texnik tavsifi
“Uchqo’rg’on Yog’” ochik aktsiyadorlik jamiyatining 2016 - 2018 yillardagi asosiy texnik – iqtisodiy ko’rsatgichlarining tahlili
«Uchqo’rg’on Yog’» ochiq aktsiyadorlik jamiyatida boshqarish samaradorligi holatining tahlil qilish
«Uchqo’rg’on Yog’» ochiq aktsiyadorlik jamiyatini boshqarishda iqtisodiy usullariga ustivorlik berish
Xulosa
Foydalanilgan adabiyotlar Internet saytlarning ro’yxati ……..

K i r i sh
Iqtisodiyotni modernizatsiyalash sharoitida mamlakatimiz iqtisodiyotida amalga oshirilgan isloxotar natijasida iqtisodiyotning asosiy bo’g’ini hisoblanuvchi korxona maqomining sezilarli ravishda o’zgarib bormoqda. Prezidentimiz SH. Mirziyoev ta’kidlaganidek «Ishlab chiqarishni modernizatsiya qilish, kooperatsiya aloqalarini kengaytirish, mustaxkam xamkorlikni yo’lga qo’yish, mamlakatimizda ishlab chiqarilgan mahsulotlarga ichki talabni rag’batlantirish masalalari alohida o’rin tutadi».¹ Belgilangan vazifani amalga oshirishda mavjud ishlab chiqarish resurslaridan to’g’ri foydalanish asosiy ahamiyat kasb etadi. Bunda birinchi navbatda korxonalar faoliyat yuritish jarayonida mehnat resurslaridan foydalanishni takomillashtirish asosiy vazifa sanaladi.

Korxonalar faoliyatida mehnat resurslari nafaqat soni, mehnatga layoqati, balki ularning erishayotgan natijalari ya’ni mehnat unumdorligi bilan ham belgilanadi. Bunda alohida e’tibor bevosita mehnatni ilmiy tashkil etish va normalashtirishga qaratilishi talab etiladi. Buning natijasida korxonalar faoliyatini rivojlantirishda mehnat unumdorligini oshirish korxonalar faoliyati iqtisodiy natijasiga bilan bevosita bog’liqdir. Mehnatni tashkil etishni takomillashtirish mehnat unumdorligini oshirib borishga ta’minlovchi va sanoat korxonalari faoliyati barqarorligiga sezilarli darajada ta’sir ko’rsatadi.

Sanoat korxonalarida iqtisodiy rivojlanishni xisobga olingan xolda mehnatni tashkil etish ishlab chikarish kuchlari rivojlanishiga bevosita ta’sir ko’rsatadi.

Bugungi kunda ishlab chikarish munosabatlarining mazmuni, tamoyillari va xususiyatlari iqtisodiyotni modernizatsiyalash jarayonida qabul qilinayotgan yangi qonunlar, Prezident farmonlari va bozor qonuniyatlari asosida yuzaga chiqayotgan yangi ijtimoiy-iqtisodiy munosabatlari ta’sirida tez o’zgarmoqda. Jumladan, sanoat korxonalarida mehnatni tashkil etish darajasini yaxshilash mehnat munosabatlarining nazariy asoslarini o’rganish va uning natijalarini hayotga tadbiq etish zaruriyati yuzaga kelmoqda. Amaliy jihatdan sanoat korxonalaridagi ishlab chikarishda mehnatni tashkil etishni takomillashtirishning ustuvor yo’nalishlarini aniqlash bugungi kunda yechimini kutayotgan dolzarb muammolardan biri hisoblanadi.

1. «Uchqo’rg’on Yog’» ochiq aktsiyadorlik jamiyatining tashkiliy – texnik tavsifi
Amaliyot ob’ekti bo’lgan «Uchqo’rg’on Yog’» ochiq aktsiyadorlik jamiyati regionimizdagi eng ko’xna korxonalardan hisoblanadi. XX 60 – yillarning oxirlarida Namanganda paxta xom – ashyosini yetishtirish ancha ko’payganligini, paxta tozalash zavodlarining ishlab chiqarish quvvatlarini oshishiga olib keldi. Bu esa o’simlik yog’i olishning ibtidoiy usullaridan foydalanish samarasiz ekanligini ko’rsatdi.

Respublikamiz prezidentining 1990 yili 21 yanvardagi “Iqtisodiy isloxotlarni yanada chuqurlashtirish xususiy mulk manfaatlarini ximoya qilishni va tadbirkorlikni rivojlantirish chora tadbirlari” to’g’risidagi farmonini bajarish yuzasidan bir qancha amliy ishlar kilindi. Korxona 1994 yili noyabr oyida xissadorlik jamiyatiga aylantirildi, hamda korxona a’zolari o’z aktsiyalariga ega bo’ldilar. Aktsiyadolik jamiyatiga aylangan korxonaning ishlari yanada rivojlanib ketdi, mahsulot ishlab chiqarish xajmi va sifati oshib bordi. 1996 yili ma’naviy va jismoniy eskirgan asosiy vositlar o’rniga “Sket” firmasining Rotorli ekstratori o’rnatildi. Bu bilan yaxshi iqtisodiy natijalar olindi.

«Uchqo’rg’on Yog’» ochiq aktsiyadorlik jamiyati ham yuqoridagi, O’zbekiston Respublikasi Prezidenti SHavkat Mirziyoevning 2019 yilda mamlakatimizni ijtimoiy-iqtisodiy rivojlantirishga bag’ishlangan Oliy majlisga Murojaatnomasida qo’ygan vazifalarni amalga oshirish uchun katta ishlarni rejalashtirgan.