Таълимда бошқарув кафедраси” профессионал таълим тизими кадрларининг малакасини ошириш курси

Хулоса ва таклифлар............................................................................
24
Фойдаланилган адабиётлар рўйхати.................................................	25
Иловалар................................................................................................	26

Кириш.

Ўзбекистон Республикаси Президенти Ш. М. Мирзиёевнинг 2020 йил 29 декабрдаги Парламентга мурожаатномасида: – “Ҳар қандай жамият тараққиётида унинг келажагини таъминлайдиган ёш авлоднинг соғлом ва баркамол бўлиб вояга етиши ҳал қилувчи ўрин тутади. Шу сабабли биз ислоҳотларимиз кўлами ва самарасини янада оширишда ҳар томонлама етук, замонавий билим ва ҳунарларни пухта эгаллаган, азму шижоатли, ташаббускор ёшларимизга таянамиз. Биз ўз олдимизга мамлакатимизда Учинчи Ренессанс пойдеворини барпо этишдек улуғ мақсадни қўйган эканмиз, бунинг учун янги Хоразмийлар, Берунийлар, Ибн Синолар, Улуғбеклар, Навоий ва Бобурларни тарбиялаб берадиган муҳит ва шароитларни яратишимиз керак. Бунда, аввало, таълим ва тарбияни ривожлантириш, соғлом турмуш тарзини қарор топтириш, илм-фан ва инновацияларни тараққий эттириш миллий ғоямизнинг асосий устунлари бўлиб хизмат қилиши лозим” деган сўзлари илм-фан ривожи, таълим соҳасига, ёш авлодни қўллаб-қувватлаш ва янада билимли бўлишига қаратилган десак муболаға бўлмайди. Сўнгги уч йилда профессионал таълим соҳасида олиб борилаётган ислоҳотлар бунинг яққол исботидир. Жумладан ўқитувчи мақоми, унинг обрў эътиборини ошириш, таълим соҳаси ходимларини моддий жиҳатдан қўллаб-қувватлашга эътибор берилаётганлиги шулар жумласидандир.

Шунингдек Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сонли Фармони, 2017 йил 18 майдаги “Ўрта махсус, касб-ҳунар таълими тизимини янада ривожлантириш концепциясини ишлаб чиқиш бўйича Республика комиссиясини тузиш тўғрисида”ги 4941-сонли Фармойиши, 2019 йил 6 сентябрдаги “Профессионал таълим тизимини янада такомиллаштиришга доир қўшимча чора-тадбирлар тўғрисида”ги ПФ-5812-сон Фармони талабларидан келиб чиққан ҳолда таълим муассасалари фаолиятини сарҳисоб қилиш, ютуқ ва камчиликлардан тўғри хулоса чикқариш, фақат олдинга интилиш, кўп йиллик истиқболли режалар тузиш ва уни сидқи дилдан амалга ошириш, таълим жараёнида самарали йўлларни излаш ва тадбиқ этиш, ўсиб келаётган ёш авлодни маънавий етук инсон қилиб тарбиялаш ҳар бир раҳбарнинг бевосита бурчидир.
Тошкент вилояти Ангрен шаҳар 1 сон касб-ҳунар мактаби 1980 йилда Тошкент давлат политехника институти Ангрен филиали сифатида ўз фаолиятини бошлаган. Касб-ҳунар таълими марказининг 2003 йил 13 августдаги “Таълим муассасаларини тугатиш ва ташкил этиш тўғрисида”ги 183-сонли буйруғига асосан Тошкент вилояти Ангрен шаҳар Ахборот технологиялари ва саноат касб-ҳунар коллежи ташкил этилган. 2020 – 2021 ўқув йилидан Ангрен 1 сон касб-ҳунар мактаби сифатида фаолият кўрсатиб келмоқда. Таълим муассасаси 900 ўринли бўлиб , айни дамда 8 та мутахассислик бўйича 1250 нафар ўқувчи таҳсил олмоқда.