Таълимда ахборот технологиялари

Наманган давлат университети, физика – математика факултети Амалий математика ва ахборот технологиялари кафедрасининг “Таълимда ахборот технологиялари” номли илмий – услубий тўпламга
Тақриз
Ҳозирги кунда Республикамиз миқёсида кўплаб илмий журнал ва илмий амалий конференцияларнинг материаллари тўпламларидаги каби ушбу тўпламдан фан ва таълимга оид айрим муаммолар, ечимлар, ютуқлар ва умумий тадқиқотлар ҳақидаги илмий, илмий - методик мақолалар ўрин олган. Уларнинг аксариятида қўйилган муаммоларнинг ечими компьютер ва ахборот технологиялари ютуқларидан фойдаланишни назарда тутади. Қолаверса, ушбу тўпламда ёш муаллифлар илк илмий тадқиқот ишлари натижаларини илм аҳлига хавола этганлар.
Айниқса таълим тизимидаги янги педагогик технологиялар, ўқитиш формалари ва ўқув ресурслари ҳамда айрим мавзуларни самарали ўқитиш билан боғлиқ бўлган мақолаларда юқорида келтирилган фикр ўз ифодасини яққол топган. Бу албатта бевосита фан ва амалий масалаларга бағишланган мақолаларда компьютер ва ахборот технологиялари паст даражада қўлланган дегани эмас.
Мақолаларда кўтарилган масалалар ўзининг долзарблиги, келтирилган ечимларнинг ўзига хослиги ҳамда амалиётга жорий қилишнинг қулайлиги билан диққатга сазовор.
Ушбу мақолалар тўпламининг нашр этилиши соҳага оид муаммоларни тадқиқ этиш учун муҳим воситалардан бири бўлади.