Назорат саволлари
Эритувчини регенерация ва рекуперация қилишнинг зарурлиги ва
аҳамияти.
Эритувчини регенерация қилишнинг қандай асосий усуллари мавжуд?
НД-1250 линиясини вертикал конденсаторининг тузилиши ва ишлаши.
“Экстехник” линияси конденсаторининг тузилиши ва ишлаши.
Конденсатлаш усуллари ва уларни танлаш.
Дефлегмацион система, унинг тузилиши ва ишлаши.
Эритувчи буғларини сорбциялаш усули билан конденсатлаш ва унинг аҳамияти.
Эритувчи ва сув конденсатлари аралашмаларини ажратишнинг зарурлиги ва аҳамияти.
НД-1250 линиясининг сув ажраткичини тузилиши ва ишлаши.
Экстракция цехларида эритувчи йўқотилиши манбааларини айтиб беринг.
Эритувчи йўқолишини олдини олиш чора-тадбирлари нималардан
иборат?
9-БОБ. ЎСИМЛИК МОЙЛАРИНИ ЭКСТРАКЦИЯЛАШ
ҚУРИЛМАЛАРИНИНГ УМУМИЙ СХЕМАЛАРИ
Ушбу бобда ўсимлик мойлари ишлаб чиқариш технологиясидаги экстракция қурилмаларининг технологик схемаларининг баёнлари берилган. Саноатда уч хил усул ва уларга мос ишлайдиган экстракторлар қўлланилади, яъни:
экстракция қилинадиган материални эритувчига чўктириш усули (иммерцион усул)
экстракция қилинадиган материалга эритувчини қарама-қарши оқимда кўп марта пуркаш усули (перколяция усули)
аралаш усул
Экстракция қилинадиган материални эритувчига чўктириш усули, ҳозирги
вақтгача ёғ заводларида кенг миқёсда фойдаланиб келинаётган, вертикаль шнекли экстракторли қурилмаларда ўз аксини топган. Шунинг учун, типик линия сифатида шу турдаги экстрактор ўрнатилган унумдорлиги 400 т/кун пахта чигити бўлган модернизация қилинган НД-1250 экстракция линиясининг технологик схемасини баёни келтирилган.
Перколяция усулини ривожланиши “Де-Смет” фирмасининг лентали горизонталь экстракторларини саноатда пайдо бўлишидан бошланади. Усулни кўпгина афзалликлари борлиги туфайли турли модификациядаги бундай экстракторларни саноатга тезлик билан жорий қилиш бошланди. Ҳозирги вақтда бир нечта ёғ-экстракция корхоналарида шу турдаги МЭ3 линияси ишлаб турибди.
МЭ3 экстракцион қурилмасининг такомиллашган тури лентали горизонталь экстрактор ўрнатилган Т1-МЭМ экстракция линиясидир. Бу линияни технологик схемасини баёни қуйида келтирилган.
Лекин, саноатда горизонталь – лентали, чўмичли, саватли ва бошқа перколяция туридаги экстракторларни кенг тарқалгани билан бир қаторда охирги вақтда ўсимлик мойлари ишлаб чиқариш учун экстракторларни яратиш ва тайёрлашда камерали-ротацион экстракторларга ўтиш тенденцияси яққол сезилмоқда. Намуна сифатида бир ярусли карусел экстрактори ўрнатилган экстракция линиясининг технологик схемасини баёни қуйида берилган.
Аралаш усулда ишловчи “Сторк” фирмасининг “Фильтрекс” экстракторида иммерцион ва перколацион экстракциялашни афзалликлари уйғунлашган.
Do'stlaringiz bilan baham: |