Таълим вазирлиги тошкент давлат иқтисодиёт университети

 
Қисқа хулосалар 
Ахборот нуқтаи назаридан Интернет бу web-сайт деб 
номланувчи, террабайтлаб турли-туман ахборотларга эга ва «жаҳон 
ўргимчак тўри»ни ташкил қилувчи кўплаб алоқалар билан боғлиқ 
миллионлаб ахборот марказлари йиғиндисидир.
Ижтимоий ва иқтисодий нуқтаи назарда Интернет мулоқот, 
коммуникация, кўнгилочарлик ва бизнес юритишнинг яхлит бир 
муҳити саналади. 
Техник нуқтаи назардан эса Интернет ўн минглаб мустақил 
тармоқлар ва милионлаб компьютерлар йиғиндиси ҳисобланади. 
Интернет 
хизматлари 
фойдаланувчиларга 
Интернет 
хизматларини тақдим этувчи тизимлардир. Улар қаторига электрон 
почта, www, телеконференциялар, жўнатмалар рўйхати, FTP, IRC, 
шунингдек, 
Интернетдан 
ахборот 
узатиш 
муҳити 
сифатида 
фойдаланувчи бошқа маҳсулотлар киради. 

---

64 
Интернет тақдим этувчи хизматларни иккита асосий тоифага 
ажратиш мумкин. 
1. off-line — гуруҳнинг асосий белгиси сўров ва маълумот олиш 
оралиғида маълум бир вақт бўлиши ҳисобланади. 
2. on-line — сўров бўйича маълумот дарҳол олиниши билан 
тавсифланади. Агар ахборот олувчи зудлик билан жавоб олишни 
истаса, бундай хизмат интерактив характерга эга бўлади. 
Интернетдан кенг фойдаланишнинг муҳим шартларидан бири у 
орқали ўтказилувчи барча транзакциялар хавфсизлигини таъминлаш 
бўлиб келган ва шундайлигича қолмоқда ҳам. Бу фойдаланувчилар 
ўртасида узатилувчи ахборот, савдо тизимлари маълумотлар базасида 
сақланувчи ахборотлар ва молиявий транзакцияларга тааллуқли 
ахборотлардир. 
Ахборот хавфсизлиги тушунчасини ахборотнинг тасодифий ва 
атайин таъсир кўрсатиш ҳолати, уни йўқ қилиш ѐки бузиб юбориш 
хавфининг йўққа чиқарилиши сифатида тавсифлаш мумкин. Тармоқ 
ташқи уланиш учун тўлиқ очиқлиги сабабли бу усулларнинг роли 
жуда катта. Хавфсизлик омилининг аҳамиятини Интернетда 
ўтказилган кўп сонли тадқиқотлар ҳам тасдиқлайди.