Таълим вазирлиги самарқанд иқтисодиёт ва сервис институти

 
 
3.Ҳисоб-китоб счѐтидаги пул маблағларининг ҳисоби 
 
Корхоналарнинг бўш турган пул маблағлари банкда очилган ҳисоб-
китоб счѐтида сақланади. Ҳисоб- китоб счѐти корхона ташкил этилган 
вақтда танлаб олинган банк муассасаларидан бирида очилади. Ҳисоб-
китоб счѐтини очиш учун банк муассасига ариза билан чиқилади ва унга 
қуйидаги ҳужжатлар илова қилинади: 

Маҳаллий 
ҳокимиятнинг 
корхонани 
давлат 
рўйхатидан 
ўтқазилганлиги тўғрисида қарорининг нусхаси; 

Корхонанинг натариусдан тасдиқланган устави; 

Натариусдан тасдиқланган таъсис шартномаси; 

Корхона бўйича биринчи ва иккинчи шахсларнинг имзоларини 
намуналари карточкаси. 
Корхона ва банк ўртасида хизмат кўрсатиш бўйича шартнома 
тузилади, унда томонларнинг ҳуқуқ ва мажбуриятлари, жавобгарликлари, 
хизматлар учун тўланадиган тўловнинг миқдори, сақланадиган пул 
маблағлари учун банк тўлайдиган фоизлар ва бошқа жиҳатлар акс 
эттирилади. Шартномага мувофиқ банкда корхонага 20 та рақамдан 
иборат бўлган шахсий счѐт очилади, ушбу счѐт корхонанинг банкдаги 
ҳисоб-китоб счѐтининг рақамини билдиради. Барча банк операцияларига 
доир ҳужжатларда корхона ўзининг ушбу ҳисоб-китоб счѐти рақамини, 
банкнинг номи ва кодини кўрсатиши шарт бўлади.
Корхонанинг ҳисоб-китоб счѐтига пул маблағлари нақд ва нақдсиз 
йўллар билан келиб тушади. Нақд пуллар ҳисоб-китоб счѐтига 
корхонанинг ўзи томонидан топширилади. Бунинг учун кассир ѐки пул 
топшириш ваколати берилган бошқа шахс банкда махсус ―Нақд пул 
топширишга эълон‖ ҳужжатини тўлдиради. Ушбу ҳужжат уч қисмдан 
иборат: биринчи қисми нақд пул топширишга эълон деб аталади, иккинчи 
қисми квитанция ва учинчи қисми ордер деб аталади. Ҳужжатнинг барча 
қисмлари бир хил мазмундаги ѐзувларга эга бўлади, яъни уларда ҳисоб-
китоб счѐтининг рақами, нима учун ва қанча пул топширилаѐтганлиги, 
шунингдек пулни топширган шахснинг фамилияси, исми-шарифи ва 
имзоси акс эттирилади. Пул банк кассасига топширилгач, топширувчи 
шахснинг қўлига имзоланган ва муҳр билан тасдиқланган квитанция 
берилади, эълон ва ордер банкда қолади. Охирги ҳужжат ҳам банк 
кўчирмаси билан илова сифатида корхонага қайтиб келади.

---

Нақдсиз йўл билан пул маблағлари корхонанинг ҳисоб-китоб 
счѐтига бошқа корхоналардан, давлат органларидан, банкнинг ўзидан 
келиб тушуши мумкин. Бундай пул маблағлари банкда корхонанинг 
ҳисоб-китоб счѐтига тўлов топшириқномалари, электрон авизо, 
мемориал-ордерлар асосида киритилади. 
Корхона ҳисоб-китоб счѐтидан пул маблағлари нақд ва нақдсиз 
йўллар билан чиқим қилинади. Пул маблағларини нақд олиш учун 
корхона банк томонидан шартномага мувофиқ чек дафтарчаси билан 
таъминланади. Ушбу дафтарчанинг ҳар бир варағи икки қисмдан иборат 
бўлиб, чап қисми корешок, ўнг қисми эса чек деб аталади. Дафтарчага 
киритилган чекларнинг тартиб рақамлари босмахона усулида олдиндан 
ѐзилган бўлади. Нақд пуллар корхонага чек асосида берилади. Чекнинг
юза қисмида пул олиш ваколати берилган шахснинг фамилияси, исми-
шарифи, олиниши керак бўлган сумманинг миқдори кўрсатилади, чек
раҳбар ва бош ҳисобчи томонидан имзоланади ва корхона муҳри билан 
тасдиқланади. Чекнинг орқа тарафида олинаѐтган пул маблағларининг
миқдори мақсадлари бўйича акс эттирилади, шунингдек пул олувчи 
шахснинг имзоси ва паспорт бўйича маълумотлари , унинг имзосини 
тасдиқловчи раҳбар ва бош ҳисобчининг имзолари кўрсатилади. Чек 
банкда, унинг корешоги чек дафтарчасида қолади. Чек дафтарчасида бўяб 
ва тузатиб ѐзишлар мумкин эмас, уларга қўйиладиган имзолар ҳам банкга 
берилган имзо намуналаридан фарқ қилмаслиги керак. Бу талабларга 
жавоб бермайдиган чеклар банк томонидан қабул қилинмайди ва 
бузилган ҳисобланади, уларни қайтадан расмийлаштириш, бузилган 
чекларни дафтарчага қайтадан элимлаб қўйиш лозим. Тўлиқ 
фойдаланилган чек дафтарчалари банкга топширилади ва унинг ўрнига 
янги чек дафтарчаси сотиб олинади. 
Корхона ҳисоб-китоб счѐтидан пул маблағлари нақдсиз йўл билан 
бошқа корхоналарга, давлат органларига ўтқазиб берилади, шунингдек 
банкнинг ўзи орқали шартнома шартларига кўра кўрсатилган хизматлар 
учун ушлаб қолинади. Пул маблағларини нақдсиз чиқим қилишга асос 
бўлиб тўлов топшириқномалари, инкассо топшириқномалари, банкнинг 
мемориал ордерлари ҳисобланади.