Таълим вазирлиги самарқанд иқтисодиёт ва сервис институти бухгалтерия ҳисоби ва аудит кафедраси

Бухгалтерия ўтказмалари матрицаси :

№	Муомалалар мазмуни	Дт	Кт	Асос бўлувчи хужжат
1.	Ҳисобот йилида бюджетдан маблағ олувчиларнинг бюджетдан ташқари бошқа маблағлари ҳисобидан амалга оширилган касса харажатларини натижаларга ўтказиш	099	029	Бухгалтерия маълумотномаси, м/о
2.	Бюджетдан маблағ олувчиларнинг бюджетдан ташқари бошқа маблағлари ҳисобига тушган маблағларни натижаларга ўтказиш	049	099	Бухгалтерия маълумотномаси, м/о

3. 
   Ўзбекистон Республикаси Давлат бюджети ижроси бўйича чораклик ва йиллик бухгалтерия ҳисоботларини шакллантириш.
   

Молия органлари белгиланган тартибда бухгалтерия ҳисоби маълумотлари асосида Давлат бюджети ижроси тўғрисидаги ҳисоботлар тузилади. Бунда Ўзбекистон Республикаси молия вазирлиги буйруғи билан тасдиқланган шаклларда ва муддатларда Давлат бюджети ижроси тўғрисидаги ҳисоботлар тузади ва тақдим этади.
Белгиланган тартибда молия органлари бюджет ижроси бўйича ойлик, чораклик ва йиллик бухгалтерия ҳисоботларини тузади.
Қорақалпоғистон Республикаси ва маҳаллий бюджетлар ижроси бўйича ойлик ҳисобот шаклида бюджетнинг даромадлари ва харажатлари ижроси тўғрисидаги асосий кўрсаткичлар берилади. Ҳисоботда бюджет харажатлари ҳам бюджет таснифи бўйича акс эттирилиб, унда аниқланган режа, касса харажатлари, қабул қилинган юридик мажбуриятлар, молиявий мажбуриятлар ҳамда бажарилиши фоизда кўрсатилади ва фарқи акс эттирилади. Ушбу ҳисоботда бюджет Давлат мақсадли жамғармалари, бошқа бюджетдан ташқари жамғармалар маблағларнинг ҳудудий ғазна счётларидаги, ғазна транзит счётларидаги қолдиқлари акс эттирилади.
Бюджет ижроси тўғрисидаги йиғма ойлик ҳисоботлар тегишли молия органлари томонидан ўзлари ижро этаётган бюджет ижроси тўғрисидаги ҳисобот маълумотларига қуйи бюджетларнинг ижроси тўғрисидаги ҳисобот маълумотларини ҳам қўшиш йўли билан тузилади.
Молия органлари чораклик ҳисоботни тегишли шаклларда ўсиб борувчи якун бўйича тузади. Молия органларида бюджет ижроси тўғрисидаги чораклик ҳисоботи таркибига қуйидагилар киради:
1. Бюджет ижроси тўғрисидаги баланс;
2. Даромадлар;
3. Харажатлар;
4. Ўзбекистон Республикаси Давлат бюджети харажатларнинг бюджет таснифи бўйича касса ва хақиқий харажатларнинг тақсимланиши;
5. Бюджет ташкилотларининг тармоқлари бўйича штатлар ва контингентлари режасининг бажарилиши тўғрисида ҳисобот;
6. Мақсадли маблағлар ҳисобидан амалга оширилган харажатлар тўғрисида маълумот.
Молия органлари чораклик ҳисоботлар таркибида юқоридагилардан ташқари тасарруфидаги бюджет ташкилотлари бўйича қуйидаги йиғма ҳисоботларни ҳам тақдим этади:

1. 
   Баланс;
   
2. 
   Харажатлдар сметасининг ижроси ҳақида ҳисобот;
   
3. 
   Дебиторлик ва кредиторлик қарздорлик хақида маълумот;
   
4. 
   Бюджетдан ташқари ривожлантириш жамғармаси пул маблағлари ҳаракати тўғрисида ҳисобот;
   
5. 
   Тиббиёт муассасаларини моддий рағбатлантириш ва ривожлантириш жамғармаси пул маблағлари ҳаракати тўғрисида ҳисобот;
   
6. 
   Таълим муассасаларини ўқитишни тўлов-контракт шаклидан тушган маблағлари ҳаракати тўғрисида ҳисобот;
   
7. 
   Бошқа бюджетдан ташқари маблағлар ҳаракати тўғрисида ҳисобот.
   

Бюджет ижроси тўғрисидаги баланс молия органлари томонидан Бош-журнал дафтари ва айланма қайдномалар асосида тузилади. Бюджет ижроси тўғрисидаги баланснинг актив қисми 5 - бўлимдан иборат бўлиб, пул маблағлари, харажатлар, берилган ссудалар, ҳисоб-китоблар ва ўтказилган маблағлар бўлимлари ташкил этади. Бюджет ижроси тўғрисидаги баланснинг пассив қисми 5 - бўлимдан иборат бўлиб, даромадлар, олинган ссудалар, ҳисоб-китоблар, олинган маблағлар ва натижалар бўлимлари ташкил этади.
Бош-журнал дафтаридаги синтетик счётлар қолдиғи балансдаги кўрсаткичлар билан бир хил бўлади.
Бюджет ижроси тўғрисидаги чораклик ҳисоботнинг Даромадлар қисмида бюджет таснифи бўйича режалаштирилган даромадлар суммалари ҳамда уларни бажарилиши акс эттирилади.