Таълим вазирлиги самарқанд иқтисодиёт ва сервис институти бухгалтерия ҳисоби ва аудит кафедраси

Тузувчи: Ибрагимов М.М. -«Бухгалтерия ҳисоби ва аудит» кафедраси катта ўқитувчиси, и.ф.н.

Тақризчилар:
Рофеев Д.Р – СамИСИ «Бухгалтерия ҳисоби ва аудит» кафедраси
доценти, и.ф.н.
Алиқулов А.И – Сам ВМИ “Чорвачиликда иқтисодий самарадорлик
бухгалтерия ҳисоби” кафедраси мудири, и.ф.д.
Сам ИСИ ”Молия ва Банк хизматлари”
факультети декани:
2020 йил “___” __________________ __________ О.М.Пардаев
(имзо)

“Бухгалтерия ҳисоби ва аудит”

кафедраси мудири:
2020 йил “___” ____________________ _______ К.Б. Уразов
(имзо)

1. 
   Ўқув фани ўқитилиши бўйича услубий кўрсатмалар
   

Ўзбекистон Республикаси Давлат таълим стандартларига асосан «Бюджет ҳисоби» фанини талабаларга ўқитиш республикамиз бюджет тизимига бухгалтерия ҳисоби мутахассисларини тайёрлаш билан боғлиқдир.
«Бюджет ҳисоби» фани бюджет тизими учун бухгалтер мутахассисларни тайёрлашда етакчи назарий фанлардан бири ҳисобланади. Унда молия органларида ғазна ижроси шароитида давлат бюджети даромадлари ва харажатлари ҳисоби, бюджет ижроси жараёнида бюджетлар ўртасида ҳисоблашувлар, бюджет ижроси натижалари ҳисоби, бюджет ташкилотларида бухгалтерия ҳисобини ташкил этиш, уларда ҳисоб сиёсатининг хусусиятлари, даромадлар ва харажатлар сметаси ҳамда штатлар жадвалини тузиш, пул маблағлари ҳисоби, мулкий қийматликлар ҳисоби, меҳнат ва унга тенглаштирилган тўловлар ҳисоби, турли дебитор ва кредиторлар билан ҳисоблашувлар ҳисоби, бюджетдан ташқари маблағлар ҳисоби, бюджет ташкилотларида даромад ва харажатлар сметалари ижроси натижалари ҳисоби ва ҳисоботи каби мавзулар кўриб чиқилади.
Шундан келиб чиқиб:
-талабалар фанни ўрганиш даврида ҳар бир ўтиладиган мавзу бўйича ўқитувчи томонидан сўраладиган «таянч» ибора, тест саволларига жавоб бериб, тегишли масалани еча олиши;
-ўқиш даврида ёзма назорат ишларини бажариши ва рефератлар тайёрлаши,
-фанни ўзлаштириш натижасида келажакда талаба бюджет ижроси жараёнида бухгалтерия ҳисоби фаолиятини ташкил қилиш ва юритишни билиши лозим.
«Бюджет ҳисоби» ишчи дастурида маъруза ва амалий дарслар бўйича машғулотлар учун тавсия этилаётган мавзулар, кўргазма – намойиш материаллари, талабаларнинг ўзлаштиришини рейтинг асосида назорат қилиш тартиби ҳамда адабиётлар рўйхати ўз аксини топган.
Фанни ўқитишдан мақсад – талабаларни бюджет ҳисобининг услубий жиҳатлари юзасидан иқтисодий билимларини чуқурлаштириш, фанни назарий ва амалий жиҳатдан ўрганиш ва талабалардаги мазкур фан бўйича мустаҳкам билим кўникмаларни шакллантириш.
Фаннинг вазифаси – давлат бюджети ижроси жараёнида молия органларида ва бюджет ташкилотларида бухгалтерия ҳисобини ташкил этишнинг услубий масалалари, уларда бухгалтерия объектлари ҳисоби ва ҳисоботларини шакллантиришнинг назарий жиҳатларини ўргатишдан иборатдир.