Таълим вазирлиги фарғона политехника институти

Маъруза№1
Маъруза: Датчиклар ва уларни синфланиши
Режа:
1. Генератор – датчиклар
2. Параметрик датчиклар
3. Датчиклар параметрлари


Таянч иборалар: диэлектрикнинг қутбланиши, диполли қутбланиш, ионли қутбланиш, ҳажмий зарядли қутбланиш.

Генераторли датчиклар датчикка кираётган Х катталикни тўғридан тўғри электр сигналга айлантириш ишини бажаради. Бундай датчиклар кириш (ўлчанаётган) катталик манбасинининг энергиясини тезда электр сигналга ўзгартиради, яъни улар электр энергияси генератори сифатида намоён бўлади (ушбу датчикларнинг номланиши худди шу хусусиятидан келиб чиқган – ушубу датчиклар электр сигнални генерациялайди).

Бундай датчикларни ишлаши учун қўшимча таъминот манбалари керак бўлмайди (ушбу қурилмалар асосида қурилган ўлча асбобларида қўшимча таъминот манбаси датчикдан чиқаётган сигнални кучайтириш учун, сигнални бошқа параметрли сигналларга ўзгартириш учун ва бошқа мақсадларда керак бўлиши мумкин бўлади). Термоэлектрик, пьезоэлектрик, индукцион, фотоэлектрик ва бошқа кўплаб турдаги датчиклар генераторли хисобланади.
Индукцион датчиклар – ўлчанаётган ноэлектр катталикни индукция ЭЮКга ўзгартириб беради. Датчикларнинг ишлаш принципи электромагнит индукцияси қонунига асосланади. Бундай датчикларга доимий ва ўзгарувчан ток тахогенераторлари киради, булар тузилишига кўра кичик ўлчамдаги электромашинали генераторлар сифатида намоён бўлади, бунда чиқиш кучланиши генератор валини айланишини бурчак тезлигига пропорционалдир. Тахогенераторлар бурчак тезлиги датчиги сифатида қўлланилади.

1.1-расм. Датчикнинг ички структураси

1.2-расм. Индукцион датчикнинг ишлаш гистерезиси

1.3-расм. Индукцион датчикнинг схемаси
Харорат дитчиклари. Замонавий ишлаб чиқаришда энг кўп тарқалган ўлчашлардан бири бу хароратни ўлчашдир. Ўлчанаётган температураларнинг кенг диапазони, ўлчаш воситаларини қўллаш шароитлари ва талабларини турли хиллиги харорат ўлчаш қурилмаларининг хилма хиллиги билан фарқланади.
Агар ишлаб чиқариш учун қўлланиладиган харорат датчикларини кўриб ўтадиган бўлсак, уларнинг асосий синфларини ажратиб олишимиз мумкин: хароратни кремнийли датчиклари, биметталик датчиклар, суюлик ва газ термометрлари, термоиндикаторлар, термисторлар, термопаралар, қаршилик термоўзгартиргичлар, ифрақизил датчиклар.

1.4-расм. Ўзгарувчан датчик.