Таълим вазирлиги а.ҚОдирий номидаги жиззах давлат педагогика институти

Курс ишини мақсади ва вазифаси

Институтнинг (60111800) Хорижий тил ва адабиёти (тиллар бўйича) бакалавриат таълим йўналишида таҳсил олаётган талаба илмий-тадқиқот ишларини олиб бориш кўникмаларини шакллантиришда курс ишининг аҳамияти каттадир. Курс ишини бажариш жараёнида талаба эгаллаган назарий билимлари ва мавжуд меъёрий ҳужжатлар, маълумотномалар ва замонавий ахборот технологияларидан фойдаланиб амалий масалаларни мустақил равишда ечиш ҳамда ўз ғоя ва ечимларини жамоада ҳимоя қилиш кўникмасини эгаллайди.
Курс ишини бажаришдан мақсад - ўқув режасида кўзда тутилган тиллар ўқитиш методикаси ва таълим технологиялари фани бўйича маъруза ва амалий машғулотларда олган назарий ва амалий билимларини мустаҳкамлаш, чуқурлаштириш, умумлаштириш ва ушбу билимларни аниқ ижодий ва амалий масалаларни мукаммал ечишда кўллашдир.
Курс ишини бажариш орқали талаба мураккаброқ назарий ва амалий масалаларни, масалан, битирув-малакавий ишини бажаришга тайёрланади. Шу билан бирга курс иши талаба давлат стандартлари, соҳа меъёрлари, маълумотномалар, жадваллар, диаграммалар, йўриқномалар ва муқаддам эгалланган тажрибалардан фойдаланиш кўникмасини шакллантиради. Шунингдек, курс иши талабаларда тил ўқитишнинг замонавий, илғор ва самарали методларини таҳлил қилиш ва қўллаш бўйича ишланмалар яратиш, интеграллашган тил кўникмаларини амалда қўллаш (маъно-мазмун асосида ўрганиш, топшириқлар асосида ўрганиш, лойиҳалар билан ишлаши), мулоқотга йўналтирилган услуб орқали ўқиш, тинглаш, ёзиш ва гапириш кўникмаларини ривожлантиришнинг замонавий усул ва технологияларини қўллаш, ўқиш, тинглаш, ёзиш ва гапириш кўникмаларини интеграллашган тарзда ўқитиш услуб ва предметлари ҳақида тасаввурга эга бўлиши, дарсни режалаштиришга таъсир кўрсатувчи омиллар (ўқувчилар билим даражаси ва ёши, эҳтиёжлари, вақт, ўқувчилар сони ва ҳ.к. ) ни баҳолай олишни амалда кўрсатиб бериш, дарснинг турли босқичлари (дарс бошланиши, асосий ва якуний қисми) учун тегишли вазифаларни танлай олиш ва уларни бир -бирига боғлаш, изчилликни таъминлаш усулларини кўрсата олиш, турли ёрдамчи ўқув материаллари ва ресурсларни (масалан, техник воситалар, кўргазмали қуроллар) танлаш ва қўллаш усулларини намоён қилиш, ўқув адабиётларни танқидий таҳлил қилиш ва уларни тил ўрганаётганлар эҳтиёжига (билим даражаси ва ёши ва ҳоказо) мослаш, турли аутентик материалларни (газета, журналлар, телевидение ва радио материалларидан ва ҳ.к.) танлаш ва улар асосида тегишли вазифалар ишлаб чиқа олиш кўникмаларини ҳосил қилиши лозим.