Ta‘lim va tarbiya nazariyasi va metodikasi” fanidan yozgan kurs ishi mavzu: O‘qish darslarida asar qahramonlariga tavsif berishga o‘rgatish metodikasi kurs ishi rahbari

Xulosa.

Adabiyotlar ro’yxati:


KIRISH

Mavzuning dolzarbligi.“Mamlakatimizda mustaqillik yillarida

amalga oshirilgan keng ko’lamli islohotlar milliy davlatchilik va suverenitetni

mustahkamlash, xavfsizlik va huquq-tartibotni, davlatimiz chegaralari

daxlsizligini, jamiyatda qonun ustuvorligini, inson huquqlari va erkinliklarini,

millatlararo totuvlik va diniy bag’rikenglik muhitini ta`minlash uchun muhim

poydevor bo’ldi, xalqimizning munosib hayot kechirishi, fuqarolarimizning

bunyodkorlik salohiyatini ro’yobga chiqarish uchun zarur shart-sharoitlar yaratdi.¹

Jamiyatdagi ijtimoiy-iqtisodiy islohotlar, insoniyat hayotiga turli yangiliklarning kirib kelishi ta`lim sohasida ham bir qator o`zgarishlar qilinishini taqozo etmoqda. Hozirgi kunda ta`lim sohasida erishilgan yutuqlarni saqlagan holda, bir xillikdan, bir qolipga tushib qolishdan saqlanmoq zarur. Ta`limning kishi xotirasini rivojlantirishga asoslangan turidan inson tafakkurini har tomonlama rivojlantirish, o`quvchilar egallagan bilimlarni amaliyotda qo`llash, ularda amaliy ko`nikma va malakalar hosil etishga qaratilgan turiga o`tishga harakat qilish shu kunning talabi. Shunga erishilsagina yurtimiz kelajagi bo`lgan yosh avlod tarbiyasi oldiga qo`yilgan o`azifa oqilona hal etilishi mumkin.“Biz ta’lim va tarbiya tizimining barcha bo‘g‘inlari faoliyatini bugungi zamon talablari asosida takomillashtirishni o’zimizning birinchi darajali vazifamiz deb bilamiz”<sup>2</sup>, deb O’zbekiston Respublikasi Prezidenti Sh.M.Mirziyoyev 2016-yil 8-dekabr kuni Konstitutsiyamiz qabul qilingan kunning 24 yilligiga bag’ishlangan tantanali yig’ilishida qilgan ma`ruzalarida ta`lim va tarbiya tizimi masalasiga keng e`tiborni qaratib o’tgan edi. Bu fikrdan ham ko’rinib turibdiki, ta`lim va tarbiyaning yosh avlod hayotidagi roli hamda ahamiyati katta. Shuning uchun ham 2017-yil 20-aprel kuni O’zbekiston Respublikasi Prezidenti Sh.M.Mirziyoyev tomonidan “Oliy ta`lim tizimini yanada rivojlantirish chora-tadbirlari to’g’risida”gi Qarori qabul qilindi. Ma`lumki, 2013-yil 6-dekabr kuni O’zbekiston Respublikasining Birinchi Prezidenti I.A.Karimov ham boshlang’ich sinflarga ta`lim-tarbiya beruvchi pedagoglarni to’liq oliy ma`lumotli bo’lishi kerakligi xususida to’xtalib, “Hammamiz bilamizki, sobiq tuzum sharoitida bu masalaga, afsuski, yetarlicha ahamiyat berilmas edi. Quyi sinflarda dars berish asosan o`rta maxsus ma`lumotga ega bo`lgan muallimlarga topshirib qo`yilgan edi. Boshlang’ich ta`limning yosh avlod hayotidagi roli va ahamiyatini hisobga olgan holda, bunday nomaqbul holatga butunlay barham berildi va bu vazifani bugungi kunda oliy ma`lumotli, yuksak professional mahoratga ega bo`lgan pedagog kadrlar bajarmoqda”, deb ta`kidlab o’tganlaridek bugungi kunda bu masalaga jiddiy e`tibor qaratilmoqda. Respublikamizning “Davlat tili” haqidagi Qonuni, “Ta`lim to`grisida”gi Qonuni, “Kadrlar tayyorlash milliy dasturi”, “2017-2021-yillarda maktabgacha ta`lim tizimini yanada takomillashtirish chora-tadbirlari to`g’risida”gi Qaror, “Oliy ta`lim tizimini yanada rivojlantirish chora-tadbirlari to`g’risida” gi Qaror va boshqa hujjatlarida ma`naviy-ma`rifiy tarbiya, til masalalariga alohida e`tibor berilgan.

2017-2021-yillarda O’zbekiston Respublikasini rivojlantirishning beshta ustuvor

yo’nalishi bo’yicha Harakatlar strategiyasining qabul qilinishi, ushbu Harakatlar

strategiyasining to’rtinchi “Ijtimoiy sohani rivojlantirish” nomli to’rtinchi ustuvor

yo’nalishida ham bugungi kunda yoshlar ta`lim-tarbiyasi masalasiga keng e`tibor

qaratilgan. Jumladan: “Ijtimoiy sohani rivojlantirish” deb nomlangan to’rtinchi

yo’nalish aholi bandligini oshirish, fuqarolarni ijtimoiy himoya qilish va ularning

salomatligini saqlash, yo’l-transport, muhandislik-kommunikatsiya hamda ijtimoiy

infratuzilmani rivojlantirish va modernizatsilash, aholini elektr energiya, gaz bilan

ta`minlashni yaxshilash, aholining muhtoj qatlamlariga ko’rsatiladigan ijtimoiy

yordam sifatini oshirish, xotin-qizlarning ijtimoiy-siyosiy hayotdagi maqomini

oshirish, sog’liqni saqlash sohasini isloh qilish, maktabgacha ta`lim

muassasalarining qulayligini ta`minlash, umumiy o’rta ta`lim, o’rta maxsus va oliy ta`lim sifatini yaxshilash hamda ularni rivojlantirish chora-tadbirlarini amalga

oshirishni nazarda tutadi”³

Shularga e’tibor berilgan holda “O’qish darslarida o’quvchilarni asar qahramonlariga tavsif berishga o’rgatish” mavzusini kurs ishiga asos qilib olindi. Mavzuni bugungi kun talablari asosida yoritish hozirgi kunimizning dolzarb masalalaridan biri sanaladi.