Таълим тизимида 2021 йил якуни билан, мактабгача таълим қамровини 65 фоиз

4. Маданият ва санъат муассасалари фаолиятини жонлантириш, уларнинг моддий-техник базасини мустаҳкамлашга, бюджетдан 420 млрд сўм йўналтирилади.
Жумладан, ҳудудларда 22 та театр ва маданият объекти қурилади ва реконструкция қилинади.
5. Тошкент шаҳрининг марказида – Миллий академик драма театри, машҳур япон архитектори Андо лойиҳаси асосида янги санъат музейи, замонавий кутубхона ҳамда Алишер Навоий номидаги халқаро ижод мактабидан иборат маданият ва маърифат мажмуасини барпо этиш бўйича, амалий ишлар бошланади.
Мустақиллигимизнинг 30 йиллигига бағишлаб, пойтахтимиз марказида “Истиқлол” мажмуаси қад ростлайди.
Кўп йиллар давомида ўтказиб келинган Тошкент халқаро кинофестивали, “Ипак йўли дурдонаси” – Тошкент халқаро кинофестивали номи билан, қайта ташкил этилади.
6. Ҳукумат бир ой муддатда маданий мерос объектларининг ҳисобини юритиш, сақлаш ва ҳимоясини таъминлаш бўйича, алоҳида дастур қабул қилади.

Аҳолини ижтимоий ҳимоялаш тизимида

1. 2021 йил 1 мартдан бошлаб, аҳолининг минимал истеъмол харажатлари эълон қилинади.
2. Ҳукумат икки ой муддатда ижтимоий кафолатларни бир тизимга келтириб, уларни минимал меъёрлар даражасида босқичма-босқич таъминлаш бўйича, дастур ишлаб чиқади.
3. “Темир дафтар”га киритилган ҳар бир фуқарони камбағалликдан чиқариш бўйича “мотивация, кўникма
ва молиявий кўмак” тамойили асосида, янги механизм жорий этилади.
Камбағалликдан чиқиш учун, энг муҳим омил – бу инсоннинг интилиши, ўз кучига таяниб, аниқ мақсад сари ҳаракати бўлиши керак.
2021 йилда маҳаллаларда аҳолини касб-ҳунарга ўқитиш бўйича, мингдан зиёд марказлар ташкил этилади.
Бунда касб-ҳунарга ўқитилган ҳар бир шахс учун, ўқув марказларига 1 млн сўмгача субсидия берилиб, бунинг учун бюджетдан 100 млрд сўм ажратилади.
Ўқув курсларини тамомлаб, ўз бизнесини бошламоқчи бўлган фуқароларга, ускуналар харид қилиш учун 7 млн сўмгача субсидиялар берилади.