Таълим психологияси

1. Тушунтирув-кўрсатмалилик методи-бу метод репродуктив метод бўлиб, унда фаолият ўқитувчи томонидан олиб борилади. Ўқувчилар таълим жараёнида билим оладилар, танишадилар.
Бу метод жуда кенг тарқалган методлардан бири бўлиб, уни такомиллаштирилган усуллари мавжуд, бу программалаштирилган таълимдир.
2. Репродуктив методи ўқувчи фаолият кўрсатиб, унда ўқувчига берилаётган билимни қайта хотирада тиклаб, олинган билимни нусха сифатида қабул қилади.
3. Муаммоли таълим методи-ўқитувчи томонидан ташкил этилиб, у продуктив характерга эгадир. Ушбу метод орқали ўқувчи билим ва малакаларини шакллантиради. Ушбу методнинг такомиллаштириш йўлларидан бири ишчан ўйинларни ташкил этишдан иборатдир.
4. Қисман изланиш методи-ўқитувчи назорати остида ташкил этиладиган метод бўлиб, у продуктив харатерга эга, бунда ўқувчи ижод қилади.
5. Тадқиқот методи-ўқитувчи илм ёрдамисиз ташкил этадиган таълим методи бўлиб, у ўқувчининг мустақил изланиши, фикрлаши ва билимлар трансформатсиясини талаб этади.
Таълим жараёни ташкил этишнинг ўзига хос методларидан бири ишчан ўйинлардир. Ишчан ўйинлар муносабатлар системасини моделлаштириш, фаолият характеристикасини ташкил этишга ёрдам беради.
«Кадрлар тайёрлаш миллий дастури» да таълим жараёнига янги педагогик технологияларни киритиш таъкидланади. Педагогик-технология-бу таълим жараёнига системали ёндошув бўлиб, унда таълим жараёнининг ташкил этишда техника ва инсон имкониятлари ҳисобга олинади ва уларнинг ўзаро муносабати таълимнинг оптимал формалари яратилишига замин бўлади.
Педагогик технологияларни қуйидаги таркибий қисмларга бўлиш мумкин;
-таълим-тарбия иштирокчилари шахсига қўйиладиган ижтимоий талаблар;
-Ҳамкорлик фаолияти аъзоларининг касбий тайёргарлиги;
-таълим жараёнининг мақсади, мазмуни, моҳияти, амалга ошириш воситалари;
-таълим жараёнини дифференсиатсиялаштириш;
-Ижодийлик.