Таълим оид ҳужжатлар t me/amuxtb каналида Умумтаълим мактабларида ўқитувчилар томонидан иш фаолиятини масофавий тарзда ташкил этиш бўйича кўрсатма

Телеграмда синфнинг канали (группасини) ни очиш бўйича 
Ҳар бир синф раҳбари тегишли тартибда канал очади. Каналга барча 
ўқувчилар ота-оналари (ўқувчиларнинг ўзлари телефони бўлса ўзларини), шу 
синфга кирадиган барча фан ўқитувчиларини, ЎИБДЎни қўшади. Фан 
ўқитувчиларини админ сифатида белгилайди. Яъни каналда маълумот ёза 
оладиган қилиб. Ҳар бир фан ўқитувчиси ўзининг маҳорати, топқирлиги, 
креатив фикрлашидан келиб чиқиб топшириқлар бериб боради. Имкон 
даражасида расмлар, чизмалар диаграммалардан фаол фойдаланиш керак. 
Ўқитувчилар ўзлари қисқа, ҳажми кичик бўлган видеодарслар ҳам тайёрлаб 
жойлаши мумкин. Лекин аҳамиятли жиҳати фото ва видеолар ҳажмига 

---

Таълим оид ҳужжатлар t.me/amuxtb каналида 
ҳам эътибор бериши керак. Ҳажми катта бўлган ҳолда маълумотни олиш 
(юбориш) қийинлашади. Шу сабабли информатика ўқитувчилари ёки бошқа 
АКТ саводхонлиги юқори ходимлар ҳаммага ёрдам бериши керак. Яъни 
телефонга туширилган фото (видео) ҳажмини кичрайтириш бўйича, 
маълумотларни юбориш ва таҳрирлаш кўникмаларини шакллантириш керак. 
Шунингдек фотолардан анимация тайёрлаш (гиф ка) ҳам самарали усул 
ҳисобланади.
Ўқитувчилар теледарс мавзусига оид қўшимча материаллар, саволлар 
тайёрлаб синфнинг телеграм каналига жойлаб бориш, шу мавзуда ўқувчилар 
билан мулоқотни амалга ошириш керак. 
Синфда фан ўқитувчиларининг топшириқ бериш кетма-кетлиги дарс 
жадвалига мувофиқ бўлиши тавсия қилинади. 
Агар ўқитувчида ноутбук бўлса, телеграмни ноутбукда очиш энг самарали 
усул ҳисобланади. Чунки видео ва фото файлларга ишлов бериш, 
маълумотларни тайёрлаш ва таҳрирлаш смартфонга нисбатан компьютерда 
анча қулай. Бунда қўл телефони (смартфон) орқали Wi-fi тарқатиб 
интернетга уланиш мақсадга мувофиқ.
Лекин синфнинг телеграм каналларида маълумотлар кўпайиб ота-
оналар моддий жиҳатдан қийналиб қолмаслиги ҳам керак. Шу сабабли 
ўқувчилар, ота-оналарга синфнинг телеграм каналидаги видеоларни кўриш 
мажбурий деб талаб қўйилмаслиги керак. Ҳар бир оиланинг имкониятига 
қараб муносабатда бўлиш керак. Кўпчилик оилаларга теледарс ҳам етарли 
бўлиши мумкин.