Ta’lim menejmenti o’ q u V – uslubiymajmu a

6. Pedagog kadrlarni qayta tayyorlash va ularning malakasini oshirish institutlari (fakultetlar, markazlar, kurslar):
- buyurtmachining yakka tartibdagi topshiriqlari yoki aniq yo‘naltirilgan dasturlar asosida vazirliklar va idoralar bilan kelishgan holda tabaqalashtirilgan o‘quv rejalari va dasturlarini ishlab chiqadilar;
- rahbar xoimlar va pedagog kadrlarni qayta tayyorlash va ularning malakasini oshirish tashkil etilishi va uning zarur darajada bo‘lishi uchun javob beradilar;
- o‘qitishning interaktiv metodlarini, Internetning global tarmog‘idan foydalangan holda pedagoglarning tanqidiy va ijodiy tafakkurini rag‘batlantirishga, mustaqil ma’lumot olishga yo‘naltirilgan zamonaviy pedagogik va axborot texnologiyalarini joriy etadilar.


5. Pedagog kadrlarni qayta tayyorlash va ularning malakasini
oshirish turlari va shakllari. Tasniflash va ta’riflar


Pedagog kadrlarni qayta tayyorlash – o‘qitish sifatiga qo‘yiladigan talablarni oshirishni va mehnat bozori ehtiyojlarini hisobga olgan holda ishlab chiqilgan ta’lim dasturlari bo‘yicha yangi kasb bilimlarini, malaka va ko‘nikmalarni o‘zlashtirish. Qayta tayyorlashning asosiy turlari:
- pedagogik qayta tayyorlash;
- kasbiy qayta tayyorlash.
Pedagogik qayta tayyorlash. Pedagog bazaviy kasb ma’lumotini ta’limning tegishli turi Davlat ta’lim standarti (Davlat talablari) bilan belgilanadigan o‘quv-tarbiya jarayonining talab etiladigan sifatini ta’minlaydigan darajada pedagogik faoliyatni yuritish uchun zarur va yetarli bo‘lgan pedagogik tayyorgarlik talablariga muvofiqlashtirish maqsadida mutaxassislarni qayta tayyorlash;
Kasbiy qayta tayyorlash (ixtisoslashuv) – ta’limning tegishl turi Davlat ta’lim standarti (Davlat talablari) bilan belgilanadigan o‘qitishning talab etiladigan sifatini ta’minlaydigan darajada o‘quv fani yoki kurs bo‘yicha pedagogik faoliyatni yuritish uchun zarur va yetarli hajmda yangi kasbiy bilimlar, malaka va ko‘nikmalarni o‘zlashtirish.
Pedagog kadrlarni kasbiy qayta tayyorlash, qoidaga ko‘ra, kadrlar tayyorlash o‘quv rejalariga yangi o‘quv fanlari yoki kurslar joriy etilishi, kadrlarning buyurtmachilari yoki mehnat bozorining talabalri bilan belgilanadigan ayrim pedagoglarning qayta ixtisoslashuvi yoki yangi mutaxassislikka ega bo‘lishi munosabati bian ta’lim muassasasi ma’muriyatining tashabbusiga ko‘ra tashkil etiladi.
Pedagog kadrlarni qayta tayyorlash asosiy ishidan ajralgan va ajralmagan, masofadan turib o‘qitish metodlari qo‘llanilgan va o‘z bilimlarini mustaqil oshirgan holda bazaviy va ixtisoslashgan oliy ta’lim muassasalarida amalga oshirilishi kerak.
Ta’lim dasturlarinining mazmuni va o‘qitishning qancha davom etishi Davlat talablarida belgilangan tartibda belgilanadi. Qayta tayyorlashdan muvaffaqiyatli o‘tgan pedagogik kadrlarga belgilangan namunadagi diplom beriladi.
Qayta tayyorlashga ikkinchi oliy yoki o‘rta maxsus, kasb-hunar ta’limi olish sifatida qaralmaydi.