Talabalar uchun talablar

Хулосалар ва таклифлар

1. 
   Кейинги йилларда мусиқа таълими йўналиши талабаларида маънавий юксалиш яққол кўзга ташланмоқда. Бунинг замирида ўзбек халқининг миллий ва тарихий маданий тараққиёти, юқори даражадаги маънавияти, миллий қадриятларимиз, мусиқага нисбатан шаклланган юксак ҳурмат-эҳтиром ва гўзал анъаналарнинг таъсири бор.
   
2. 
   Мусиқа ижрочилигида талабанинг ўзи предмет фаолияти, яъни субъект эмас, балки объект сифатида иштирок этади. Демак, фақат бошқа кишилар (профессор-ўқитувчи, мураббий, мусиқа раҳбари, ўртоқлари) эмас, ўзи учун ҳам тадқиқот объекти ҳисобланади.
   
3. 
   Талабаларда тафаккур ва идрок шаклланишини тарбиялашда уни жисмоний ва психологик жиҳатдан тайёрлашни йўлга қўйиш вазифаларини тўғри ҳал этиш зарур.
   
4. 
   Анъанавий қўшиқчилик ва мусиқа тарихи машғулотларида Шарқ алломаларининг мумтоз мусиқаси ва унинг тарихий тараққиёти босқичлари борасидаги фикр, ғоя ва қарашларидан кенг фойдаланиш - талаба-ёшларнинг умумий касбий ўсиши, камолотга эришуви ҳамда миллий маданий меросимизга ижобий муносабати шаклланиши учун кенг имконият яратади.
   
5. 
   Мумтоз мусиқани тинглаш ва куйлаш бакалаврдан жисмоний ва психологик кучланишни талаб қиладиган фаолият соҳасидир.
   
6. 
   Мусиқа ижрочилиги фаолиятининг якуний натижасини бакалавр онгида мусиқа борасида шаклланган фикр ва тасаввурлар, қолаверса, мусиқа ижрочилиги кўрик-танловлари, концертлар ташкил этади. Ушбу жамоавий бадиий фаолият турлари талабаларнинг ҳар томонлама такомиллашган, баркамол, ақлан етук бўлиб етишишларига ёрдам беради.
   

Айниқса, мусиқани чуқур ва пухта ўзлаштириш талабаларнинг тафаккур ва идрокини такомиллаштириши ҳамда уларда касбий етукликни таъминлашда юқори натижаларга олиб келиши муқаррар.


Тадқиқот натижасида олинган илмий амалий тавсиялар

Олиб борилган мазкур илмий тадқиқот натижаси асосида кузатиш ва ўрганишлардан келиб чиқиб, қуйидаги илмий хулосалар баён этилади:

• 
  Талабаларга мусиқа мусиқаси ҳақида маълумот беришда ўтмиш алломаларимизнинг мусиқа ҳамда унинг инсон руҳиятига ижобий таъсири борасида маълумотлар беришни босқичма-босқич амалга ошириб бориш;
  
• 
  Талабаларда мумтоз мусиқани ўрганиш билан боғлиқ учрайдиган объектив ва субъектив қийинчиликларни бартараф этиш;
  
• 
  Мунтазам амалга ошириладиган мусиқа шўъбалари ижроси жараёнида иродавий чиниқишни тарбиялаш;
  
• 
  Олий таълим муассасаларининг мусиқа таълими йўналишида “Мақом асослари”, “Анъанавий хонандалик” ва “Мусиқа тарихи”, “Ўзбек халқ мусиқа ижоди” каби фанларини ўқитиш сифатини замонавий мультимедия воситалари ёрдамида амалга ошириш;
  
• 
  олий ўқув юртлари бакалаврлари ўртасида мусиқа ижрочилиги бўйича кўрик - танловлар сонини кўпайтириш ҳамда уларнинг сифатига эътиборни қаратиш;
  
• 
  педагогика олий ўқув юртларида мумтоз мусиқаси бўйича тарғибот ва ташвиқот ишларини мунтазам олиб бориш, яъни таниқли, эл севган хонанда ва созандалар, бастакорлар, мақомдон устозлар билан суҳбат ва кечаларни мунтазам ташкил қилиш;
  
• 
  Педагогика олий ўқув юртлари кафедраларининг профессор - ўқитувчилари томонидан ота-оналар ва талабалар ўртасида мумтоз мусиқаси ва унинг инсон камолотида тутган ўрни мавзусига оид суҳбат, дебат, мунозара ва диспутлар ташкил қилиш;
  
• 
  Олий ўқув юрти талабалари учун профессор-ўқитувчилар томонидан мусиқа бўйича суҳбат, маъруза-концертлар, кўргазмали чиқишлар ташкил қилиш ва ўтказиш;
  

Юқоридаги илмий-услубий ва ташкилий тадбирлар маълум меъёр, мавжуд талаблар доирасида бажарилса, бакалаврларда мусиқий тафаккур ва идрокни шакллантириш имкониятлари янада кенгаяди.