Тактиканинг фан сифатида вазифалари

Kompas bilan burchak o‘lchash. Bunda kompasning nishonga olish moslamasi hisob olish moslamasidagi shkalaning noliga o‘rnatiladi. So‘ngra nishonga olish moslamasi orasidagi burchak o‘lchanayotgan ikki nuqtaning chap tomondagisiga to‘g‘rilanadi. Undan keyin kompasni qo‘zg‘atmagan holda uning qopqog‘i o‘ng tomondagi nuqtaga qaratiladi va shkaladan hisob olinadi. Bu hisob ikki nuqta orasidagi burchakka teng bo‘ladi.



Gorizont tomonlari.

Navigatsiya asboblari bilan ham nuqtalar orasidagi burchakni aniqlash mumkin. Montana-600 asboblarida bu usul quyida keltirilgan tartibda va ekranning rasmlari bilan tasvirlangan yo‘sinda bajariladi:

kompas ekraniga kiriladi, so‘ngra menyu ishorasi tanlanadi va menyuning ilovasi paydo bo‘ladi ulardan “Zasech napravlenie” qatori tanlanadi;

ekranda paydo bo‘lgan qizil mil orasidagi burchak o‘lchanishi talab qilinayotgan ikki nuqtaning istalgan biriga to‘g‘rilanadi va “Fiksirovat napravlenie” qatori tanlanadi;

paydo bo‘lgan ekrandan “Ustanovit kurs” qatori tanlanadi. Endi asbob qaysi tomonga burilmasin qizil mil belgilangan yo‘nalishni ko‘rsatishda davom etadi;

ish oxirida asbob kompasidagi vertikal qora chiziq orasidagi burchagi aniqlanayotgan ikkinchi nuqtaga yo‘naltiriladi va qizil mil bilan vertikal qora chiziq orasidagi kompas shkalasi bo‘linishlari sanaladi. Olingan sanoq 10 ga ko‘paytiriladi, chunki asbob kompasi shkalasidagi bir bo‘linish 10° ga teng.

Bu usulning asosiy qulayligi asbob boshlang‘ich yo‘nalishni yo‘qotmasligidadir.