Тактиканинг фан сифатида вазифалари

Artilleriya qurol-aslahasi va mulklari bilan ta’minlash
Batalonda artilleriya qurol-aslahasi va mulklari buyumlariga quyidagilar taaluqlidir:

- artilleriya, minomyot, otish va artilleriya – tank qurol - aslahasi;

- tankka qarshi boshqariluvchi reaktiv snaryadlar (TQBRS) (PTURS);

- o‘q - dorilarni barcha turlari;

- qurol-aslahadan foydalanish va unga qarashga kerakli surkaluvchi va artiluvchi mahsulotlar.

Batalonni artilleriya qurol-aslahasi va mulklari bilan ta’minlashni harbiy qism raketa-artilleriya xizmati boshlig‘i komandir tasdiqlagan rejaga va batalon tomonidan berilgan talabnoma asosida tashkillashtiradi.

Batalonnni artilleriya qurol-aslahasi va mulklarining buyumlari bilan o‘z vaqtida va uzluksiz ta’minlashga javob bera turib, raketa-artilleriya qurol-aslahasi xizmati boshlig‘i ularni bo‘linmalardagi joydaligini, hisobini to‘g‘ri yuritilishini,saqlanishi va foydalanilishini nazorat qilib,jang maydonidan vatanimizda ishlab chiqarilgan va dushmandan olingan o‘ljalarni, nosoz va keraksiz qurol va aslahalarni, hamda otilgan gilzalar (tankchilar batalonida) yashiklarni yig‘ishni tashkillashtirib artilleriya omborlariga chiqartiradi. (TQBRS) (PTURS), barcha turdagi o‘q-dorilar, batalonga kelib tushuvchi surkaluvchi va artiluvchi mahsulotlar, qoidaga ko‘ra, qism artilleriya omborlaridan, qurol-aslahalar bevosita front orti ta’minotining yuqori turuvchi bo‘g‘imi tomonidan ta’minlanadi. Ma’lum bir sharoitlarda batalonga o‘q-dorilar qism artilleriya omborini chetlab keltirilishi mumkin.

Batalon o‘q-dorilar zaxirasini qabul qilish va saqlash uchun, hamda bo‘linmalarga etkazib berish va tarqatish batalon front orti ta’minot guruhining avtomobil seksiyasi kuch va vositalari jangda yoyiladigan batalon jangovar ta’minot punkti (BJTP) orqali amalga oshiriladi. Uni odatda front orti ta’minot guruhi komandiri boshqaradi. Jangovar ta’minot punkti ishini batalon shtab boshlig‘idan olingan vazifalar bo‘yicha BJTP boshlig‘i tashkillashtiradi.

Batalonga kelib tushuvchi qurol-aslahalar, o‘q-dorilar va artilleriya mulklari batalon shtab boshlig‘ining shaxsiy ko‘rsatmasiga binoan BJTP boshlig‘i tomonidan qabul qilinadi, batalon transportiga yuklatiladi yoki qism transportida bevosita vzvodlarga jo‘natiladi. Bunda qurol-aslahalar BJTPda, qoidaga ko‘ra, saqlanmaydi, tezda ehtiyojga ega bo‘lgan bo‘linmalarga topshiriladi.

BJTPdan o‘q-dori va qurol-aslahalarzaruriyat to‘g‘ilishi bilan vzvodlarga ularning komandirlarining talabnomalari asosida jo‘natiladi. Snaryadlar, minalarni bo‘linmalarga tashish bevosita harbiy qism artilleriya omborlaridan amalga oshiriladi.

Tankchilar va motoo‘qchilar batalonida barcha paytlarda, hujumda piyodalar jangovar mashinalarida (zirhlitransporterlarda) jang davomida jangovar mashinalarni o‘q-dorilar bilan to‘ldirish vzvodlar bo‘yicha yoki mashinalar bo‘yicha ular zaxirada yoki ta’mirlashda turganlarida amalga oshiriladi. Batalon jangovar ta’minot posti vositalari bilan o‘q-dorilar, ayrim paytlarda va brigada transportida bevosita tanklarga va boshqa jangovar mashinalargacha tashib keltiriladi.