Тактиканинг фан сифатида вазифалари

Bu davrda quyidagi texnik ta’minot tadbirlari o‘tkaziladi:

• 
  mashinalarning resursini (yurish zahirasini) cho‘zish;
  
• 
  o‘q-dorilar, yonilg‘i va boshqa moddiy vositalar zahiralarini belgilangan me’yorlarga muvofiq to‘ldirish;
  
• 
  ekipajlarni, texnik xizmat ko‘rsatish va ta’mirlash bo‘linmalarining shaxsiy tarkibini tayyorlash;
  
• 
  qurol-aslaha va harbiy texnikani tayyorlash;
  
• 
  ZTMM zahiralarini to‘ldirish;
  
• 
  yashovchanlikni ta’minlash bo‘yicha ishlarni bajarish;
  
• 
  marsh davomida texnik ta’minot kuch va vositalarini boshqarishni tashkillashtirish.
  

Ekipajlarni, texnik xizmat ko‘rsatish va ta’mirlash bo‘linmalarining shaxsiy tarkibini marshga tayyorlash yuqori harakat tezligiga erishish, bo‘linmalarning marsh tayyorgarligini oshirish, bajariladigan marshning alohida xususiyatlarini o‘rganish, marsh davomida mashinalardagi nosozliklarni bartaraf etish va xizmat ko‘rsatish bo‘yicha ko‘nikmalarini takomillashtirish maqsadida o‘tkaziladi.

Mashg‘ulotlarning uslubi va mavzusi marshga tayyorgarlik uchun vaqning mavjudligi, mexanik-haydovchilarning (haydovchilarning) mashinalarni kolonnalarda haydash bo‘yicha, texnik xizmat ko‘rsatish va nosozliklarni bartaraf etish bo‘yicha ishlarni bajarishdagi amaliy ko‘nikma va tajribalariga bog‘liqdir. Vaqtning bor-yo‘qligiga qarab shaxsiy tarkib bilan marsh davomida mashinalarni ekspluatatsiya qilishning alohida xususiyatlari bo‘yicha, tanklar, BMP, BTR va avtomobillarni haydash, ularga marsh sharoitlariga mos vaziyatda texnik xizmat ko‘rsatish bo‘yicha mashg‘ulotlar o‘tkaziladi.

Barcha hollarda haydovchilar tarkibining bilimlari va amaliy tajribasi, uning marshga tayyorgarlik darajasidan qat’iy nazar bo‘linma texnigi mexanik-haydovchilar bilan tanklarni haydashning alohida xususiyatlari va texnik ta’minotni tashkillashtirish bo‘yicha yo‘riqnoma o‘tkazishi kerak.