Тактиканинг фан сифатида вазифалари

Kartada A nuqtaning geografik koordinatalarini aniqlash va B nuqtani ma’lum bo‘lgan geografik koordinatalariga ko‘ra tushirish.

1:25 000–1:200 000 masshtabli topografik kartalarda geografik koordinatalarni topish aniqligi karta masshtabiga mos ravishda 2′, 4′, 6′ va 10′ bo‘ladi.

Geografik koordinatalarni kartadan aniqlashning yana bir qulay yo‘li mavjud bo‘lib, u quyidagi tartibda bajariladi:

koordinatasi aniqlanishi kerak bo‘lgan nuqta tanlanadi;

nuqtaning kengligini aniqlash uchun karta varag‘i pastdan tepaga qarata yoki aksincha bukiladi;

kartaning varaq tomoni chekkasi nuqtaning ustiga olib kelinib, chap va o‘ng tomonlardagi kenglik shkalasi qalam bilan belgilanadi;

nuqtaning uzoqligini aniqlash uchun karta varag‘i chapdan o‘ngga qarata yoki aksincha bukiladi;

kartaning varaq tomoni chekkasi nuqtaning ustiga olib kelinib, tepa va pastki tomonlardagi uzoqlik shkalasi qalam bilan belgilanadi;

belgilangan qiymatlarni boshlang‘ich qiymatlarga qo‘shish yo‘li bilan koordinatalarning yakuniy natijasi hisoblanadi.

Geografik koordinatalari ma’lum bo‘lgan nuqtani kartaga tushirish uchun quyidagi tartibdagi ishlar bajariladi:

nuqta kengligining qiymati karta ramkasining o‘ng va chap tomonlarida nuqtalar bilan belgilab olinadi;

xuddi shu tarzda nuqta uzoqligining qiymati karta ramkasining tepa va pastki tomonlarida nuqtalar bilan belgilab olinadi;

nuqtalar bilan to‘g‘ri chiziqlar orqali bir-biri tutashtiriladi;

shu chiziqlar kesishgan joy nuqtaning joylashuv o‘rni bo‘ladi va kerakli shartli belgi bilan joydagi ob’ekt kartaga tushiriladi.