Тактиканинг фан сифатида вазифалари

Ular quyidagi zaxiralarga bo‘linadi:

- tegishligiga qarab batalon zaxirasi va vzvodlar zaxiralariga;

- sarflanish tartibiga qarab sarflanish qismi va tegilmaydigan (yoqilg‘i bo‘yicha - tushirilmaydigan) zaxiralarga (TZ).

Batalon zaxiralari batalon front orti ta’minot guruhining saqlanib tashib keltiriladi, vzvodlar zaxiralari tanklarda, jangovar piyoda mashinalarida, zirhlitransporterlarda, to‘plar, minometlar va shaxsiy tarkib oldida saqlanishi mumkin. Sarflanadigan zaxiralarni bir qismi zaruriyat to‘g‘ilsa jangovar harakatlarda (marshda) va bo‘linmalarni joriy ehtiyojlarini qondirish uchun ishlatilishi mumkin.

Jangovar mashinalarning barcha turlaridagi, to‘plardagi, minometlar, pulemetlar va shaxsiy tarkibdagi o‘q-dorilarni bir qismini tegilmaydigan (tushirilmaydigan) zaxiralar tashkil etadi; jangovar va transport turiga kiruvchi mashinalar baklaridagi yonilg‘ini ma’lum soni va shaxsiy tarkibdagi oziq-ovqat mahsulotlari ham kiradi.

Tegilmaydigan (tushirilmaydigan) zaxiralar faqatgina ma’lum bir vaziyatlarda sarflanadi. YA’ni brigada komandirining ruxsati bilan, biror bir tasodif yuz berganda batalon komandirining ruxsati bilan, keyingi bu haqda brigada komandiriga tez bildiruv beradi va sarflangan zaxiralarni o‘rnini to‘ldirish uchun choralar ko‘radi. Zaruriyat tug‘ilganda brigada komandirining farmoyishiga asosan batalondagi (asosan o‘q-dori, yonilg‘i va oziq – ovqat mahsulotlari) o‘rnatilgan buyruqlar me’yorlaridan ko‘proq o‘lchamlardan tuzilishi mumkin.

Bo‘linmalarga qo‘shimcha zaxiralarni taqsimoti batalon komandiri tomonidan ularning jangovar vazifalari va tashib keltirish sharoitlardan kelib chiqib amalga oshirilishi mumkin. Sarflangan moddiy vositalar zaxiralari o‘rni tezda to‘ldirilishi kerak. Ularni o‘rnini to‘ldirish uchun asosiy manbaa yuqori turuvchi front orti ta’miinoti bo‘g‘imining omborlaridagi zaxiralari hisoblanadi. Qo‘shimcha manbaa sifatida mahalliy vositalar va dushmandan olingan o‘lja, hamda hisobdan chiqarilgan o‘z vatanimizda ishlab chiqarilgan mashinalar va dushmandan olingan o‘ljalarning (qurol-aslaha va texnikalar) soz qismlari, agregatlari va uskunalari bo‘lishi mumkin. Mahalliy vositalar (oziq-ovqat, yonilg‘i va shunga o‘xshashganlar) bo‘linmalar tomonidan katta boshliqlarning ko‘rsatmasiga asosan ishlatiladi. Ularni zararlanganligini oldindan tekshirilib, hisobga olinib ko‘rsatilgan tartibda ta’minot rejasi hisobidan amaldagi me’yorlar asosida sarflanadi. Asosiy e’tibor tayyorlangan oziq-ovqat mahsulotlariga qaratilib, uni tarqatilishiga laboratoriya tahlilisiz yo‘l qo‘yilmaydi.

Dushmandan olingan o‘lja (qurol-aslaha, texnika, o‘q-dorilar, yonilg‘i, oziq-ovqat, tibbiy va boshqa mulklar), ishlatilishga yaroqlisi, hamda hisobga olinib ko‘rsatilgan tartibda ta’minot rejasi hisobidan amaldagi me’yorlar asosida yuqori qo‘mondonlikning ruxsati bilan zaharlanganligi va portlamasligiga ishonch hosil qilingandan so‘ng sarflanadi.

Bo‘linmalar yuqori qo‘mondonlikning ruxsatisiz jang davomida olingan o‘ljalarni dushmanning o‘ziga qaratish va to‘satdan paydo bo‘lgan zaruriyatlarini qondirish uchun ishlatishi mumkin. Bu haqda bo‘linma komandiri komanda bo‘yicha bildiruv beradi. YAroqli agregatlar, qismlar, detallar va uskunalar qurol-aslaha va texnikalardan yuqori ta’mirlash organlarining kuch va vositalari yordamida echib olinadi va to‘liq qismlarga ajratiladi.

Bo‘linmalarni moddiy vositalarga bo‘lgan talabini, ular bilan ta’minlanganligini va sarflanish me’yorlarini aniqlash turli ko‘rsatkichlarda bo‘lishi mumkin: donabay, og‘irlikda, hajmda yoki hisobot-ta’minot birliklarida.