Тактиканинг фан сифатида вазифалари

Geodezik ma’lumotlar kartasi – qo‘shinlar jangovar tartiblarining elementlarini topogeodezik bog‘lash uchun mo‘ljallangan. Qoidaga ko‘ra, bu kartalar 1:100 000 (istisno tariqasida 1:200 000) masshtabli nashr qilingan topografik kartalar ustiga tushiriladi.

Joy o‘zgarishlari kartasi (ikkinchi nomi tezkor o‘zgartirilgan kartalar) – tezkor-taktik nuqtai nazaridan juda muhim bo‘lgan joylar, ya’ni front chiziqlari va marralari kartasining mazmunini joy holati bilan muvofiqlashtirish uchun mo‘ljallangan.

Daryo qismlari kartasi – qo‘shinlar tomonidan suvli to‘siqlarni kechib o‘tish jarayonlarida suvli to‘siqlar va ularning bo‘yidagi joylarni hamda yondosh hududlarni batafsil o‘rganish uchun mo‘ljallangan.
Kartada o‘lchash ishlarini bajarish
Masshtab
Bizga ma’lumki, karta tuzish jarayonida joy elementlari gorizontal proeksiyasi aniq bir masshtabga bog‘liq ravishda kichraytirib tasvirlanadi.

Karta masshtabi deb, joydagi chiziqning gorizontal proeksiyadagi holati va shu chiziqning kartadagi kattaligi orasidagi nisbatga aytiladi. YA’ni, masshtab bu joy elementining kartada necha marotaba kichraytirib tasvirlanishi demakdir.

Karta bilan ishlash jarayonida masshtabning – chiziqli, yozuvli va sonli turlaridan foydalaniladi (27-rasm).