Tajriba ishlari

Ishning borishi:

Berilgan dastgoh sxemasidan asosiy mexanizmlarining nomlanishini va vazifasini aniqlang

Talab qilinadi:
Dastgohning asosiy va yordamchi harakatlarini boshqarish jarayonlari to‘g‘risida; detalni mahkamlash moslamasining xarakteri va kesuvchi asbobni o‘rnatish moslamasi to‘g‘risida ma’lumot berish talab qilinadi.


6 - Tajriba ishi
Frezalash dastgohini ishga sozlashni urganish


Ishning maqsadi: Frezalashda bajariladigan ishlar , ishlatiladigan kesuvchi asboblari va asosiy ishchi organlarining harakatlari bilan tanishish va ishga sozlashni o‘rganish


Kerakli jihoz va materiallar

1. 
   Frezalash dastgohi va uning kinematik sxemasi.
   
2. 
   Kesuvchi asboblar va o‘lchov asboblari.
   
3. 
   Ma`lumotlar uchun adabiyotlar.
   

Ishni bajarish uchun ma`lumotlar va ko'rsatmalar

Bo‘luvchi kallaklar konsol frezalash, ayniqsa universal frezalash dastgohlarining muhim ash’yosihisoblanib, dastgohni texnologik imkoniyatlarini sezilarli darajada kengaytirishga imkon beradi. UDG D-250 universal bo‘lish kallagi ishlanmani mahkamlash va shpindel o‘qiga nisbatan kerakli burchakka burash, teng va tengmas bo‘laklarga bo‘lish uchun ishlanmani o‘z o‘qi atrofida davriy ravishda ma’lum burchakka burash, shuningdek vintsimon ariqchalarni yoki tishli g‘ildiraklarning vintsimon tishlarini qirqishda ishlanmaga uzluksiz aylanma harakatni berish uchun xizmat qiladi. Bo‘luvchi kallaklarni freza, parma, razvertka, zenker, metchik kabi asboblarni, mashinalarning (bolt kallagi, gayka qirrasi singari) me’yorlangan detallarini shuningdek tishli g‘ildiraklarni, ariqchalar va shlisalarni frezalashda ishlatiladi.

Bo‘luvchi kallaklar uch turga bo‘linadi: bo‘luvchi disk bilan ta’minlagan limbli kallak; almashuvchan tishli g‘ildiraklar to‘plami va tishli planetar mexanizmi bo‘lgan limbsiz(bo‘luvchi diski bo‘lmagan) kallak; aniq bo‘lish va nazorat operatsiyalar uchun optik bo‘luvchi kallak.

Bo‘luvchi kallaklar bir shpindeli qilib ishlab chiqariladi. Bo‘luvchi kallaklar ko‘pincha frezalash, tish frezalash, randalash, parmalash, razmetkalash va boshqa ishlarda aylanalarni har qanday (400 gacha) qismlarga bo‘lishda qo‘llanadi.