Тайёрлов гуруҳи учун ҳафталик машғулотлар жадвали

Билимларни мустаҳкамлаш учун ўйин: “Ким тўғри масала тузади ва ечади?”
Болалар столига турли ўйинчоқлар қўйилади ва болаларга шу ўйинчоқлар ёрдамида 
масалалар тузиш таклиф этилади. Болалар хоҳлаган ўйинчоқлари ёрдамида мустақил 
масала тузадилар. 
Тарбиячи:
Болажонлар, келинглар “Ким тўғри масала тузади ва ечади?” ўйинини 
ўйнаймиз. Ҳамма ўзи хоҳлаган ўйинчоқлар ёрдамида масала тузади ва жавобини ким 
топишини хоҳласа ўша боланинг исмини айтиб масалани айтади. Исми айтилган бола 
масалани ҳисоблаб ечади. Агар масаланинг жавоби тўғри топилса, сиз чапак чаласиз, агар 
нотўғри бўлса, бошингизни инкор ҳолатида чайқайсиз ва биргаликда масаланинг 
жавобини тўғри топишга ўртоғимизга ёрдам берамиз.
Болалар билимини ошириш ва мустаҳкамлаш учун саволлар ва топшириқлар: 
1. Раънонинг 2 та шари бор эди, унга онаси яна 1 та шар олиб берди.

---

10 
Шарлар нечта бўлди? 
2. Сардорнинг 8 та ёнғоғи бор эди, у ўртоғига 2 та ёнғоқни берди.
Сардорнинг ёнғоқлари нечта қолди? 
3. Масала тузиш осонми ёки масаланинг жавобини топиш осонми? 
4. Агар Улуғбекда 14 та китоб бўлса, мен яна 1 та китобни Улуғбекка
совға қилсам, Улуғбекнинг китоблари нечта бўлади? 
5. Муҳайё, сизда 15 та гул бор, 6 тасини Юлдузга берсангиз, сизда
нечта гул қолади? 
Тарбиячи машғулот давомида ва якунида болаларни ширин сўзлар билан 
рағбатлантиради.
2-машғулот 
Мавзу: Оригами усулида “Мушукча ясаш” 
Мақсад: 
Қоғозни буклаш йўли билан тасвир ҳосил қилишга оид кўникмаларни
мустаҳкамлаш. 
Болаларни қоғозни турли йўналишда буклаш, тахлаш усулидан фойдаланишга , қайчини 
тўғри ишлатишга, мушукча ясашда квадрат вароқни учбурчак тарзда букиш, учбурчакнинг 
учини асосга олиб келиб буклаш каби малакаларни мустаҳкамлаш.
Болаларда ясаган нарсалардан завқланиш ҳиссини уйғотиш.