Тайёрлаш, расмийлаштириш ва

1.6. Магистрлик диссертацияси бўйича илмий мақолалар ёзиш ва
конференцияларга маърузалар тайёрлаш 
Магистр талабаларнинг илмий фаолияти билан боғлиқ изланиш 
натижалари Олий аттестация комиссияси томонидан тан олинган нашрларда ва 
олий таълим муассасалари нашрларида чоп этилиши мумкин. Иқтидорли 
магистрантларни илмий мақолалар ёзишга, конференция ва семинарлар учун 
маърузалар тайёрлашга ўргатиб бориш муҳим аҳамиятга эга. Магистр 
талабалар диссертация мавзуси бўйича мустақил равишда илмий характердаги 
мақола, тезис ёки анжуманлар учун маъруза тайёрлаши мумкин. Магистрант 
ўқув адабиётлари, илмий-тадқиқот ишлари, диссертациялар, мақола ва 
монографиялар ҳамда бошқа ахборот манбаларидан ўз мавзусига оид керакли 
материалларни тўплайди, уларни таҳлил қилади, илмий натижаларига 
асосланган ҳолда қўшимчалар киритади, шарҳлайди, ўз фикрини баён қилади, 
асослайди, илмий рахбаридан ва зарур ҳолларда соҳанинг етакчи 
мутахассисларидан маслаҳатлар олиб туради. 
Магистрлик диссертацияси бўйича илмий мақолалар ёзиш.

Магистрлик диссертациясини тайёрлаш жараёнида тадқиқотнинг илмий 
ёки амалий натижалари акс этган тезис, илмий мақола нашр этилган бўлиши 
керак. Мақола (тезис) конференцияларнинг тезислар тўпламида, республика, 
халқаро миқёсида эълон қилинаётган илмий мақолалар тўпламлари, илмий 
журналларда шунингдек, Ўзбекистон Республикаси Вазирлар Маҳкамаси 
ҳузуридаги Олий аттестация комиссияси томонидан тан олинган нашрларда 
эълон қилиниши лозим. 
Магистрлик диссертацияси бўйича тайёрланган илмий мақолаларнинг 
илмий савияси, унинг ўрнатилган тартибда расмийлаштирилиши (мақолада 
муаллифнинг исми фамилияси, сарлавҳа, матнда расмлар ва жадвалларнинг 
жойлаштирилиши, иловалар беришнинг тартиби, адабиётларнинг ёзилиши 
каби) кафедра мажлисида кўриб чиқилиши ва мутахассис тақризи билан нашрга 
тавсия этилиши лозим. 
Магистрлик диссертацияси бўйича конференцияларга маърузалар 
тайёрлаш. Магистрлик диссертациясининг илмий ёки амалий натижалари 
бўйича республика, халқаро миқёсида ўтказилаётган конференцияларда 
маъруза қилиш мумкин. Бунда конференция ўтказилаётган ОТМ, илмий 
тадқиқот институтлари, марказларининг талаблари, шартлари ўрганиб 
чиқилади ва шу асосда конференция маърузаси тайёрланади. 
Магистрантнинг конференция учун тайёрлаган маъруза матни, унинг 
расмийлаштирилиши, илмий савияси кафедрада кўриб чиқилиши ва тавсия 
этилиши лозим. 
Магистрлик 
диссертацияси 
бўйича 
конференцияларда 
қилинган 
маърузалар ва эълон қилинган мақолалар ҳақида маълумотлар диссертациянинг 
кириш қисмида акс эттирилади. 

---

12