Tadqiqotning ilmiy yangiligi sifatida quyidagi bajariladigan ishlar belgilanadi. Tadqiqot davomida boshlang‘ich sinflardagi matematika fani boʻyicha oʻtkazilayotgan xalqaro baholash dasturlarini tadqiq qilish

ANNOTATSIYA
Mazkur dissertatsiya ishining dolzarbligi shundan iboratki, dissertatsiya ishida boshlangʻich sinf oʻquvchilarini xalqaro baholash dasturlariga tayyorlash, TIMSS xalqaro baholash dasturi doirasidagi topshiriqlarni bajarish kompetensiyalarini shakllantirish, boshlang’ich sinf oʻqituvchilariga TIMSS xalqaro baholash dasturi doirasidagi topshiriqlarni tuzish va topshiriqlarni baholash me’zonlari texnologiyasi masalalariga bagʻishlangan boʻlib, ishning birinchi bobida boshlang‘ich sinf oʻquvchilarini matematikadan xalqaro baholash dasturlariga tayyorlashning nazariy va uslubiy asoslari haqida ma’lumot beriladi. Bobda, xalqaro baholash dasturlarining oʻtkazilishi uchun olib borilayotgan islohotlar haqida hamda boshlang’ich sinflarda matematikadan oʻtkaziladigan xalqaro baholash dasturlari haqida toʻliq ma’lumot berilgan. Ushbu bobda keltirilgan ma’lumotlar, bildirilgan fikrlar diqqatga sazovordir.
Tadqiqotning ilmiy yangiligi sifatida quyidagi bajariladigan ishlar belgilanadi. Tadqiqot davomida boshlang‘ich sinflardagi matematika fani boʻyicha oʻtkazilayotgan xalqaro baholash dasturlarini tadqiq qilish. Boshlangʻich sinf oʻquvchilarini matematik kompetensiyalarini xalqaro baholash dasturlari asosida baholashni tashkil qilish hamda oʻquvchilarning xalqaro baholash dasturlariga samarali tayyorlash metodlarini aniqlash. Bundan tashqari, boshlang‘ich sinf oʻquvchilarida matematik kompetensiyalarini shakllantirishga qaratilgan yangicha yondashuvga asoslangan metodik qoʻllanma tayyorlash.
Dissertatsiya ishini amaliyotga joriy qilinishi davomida amalga oshirilishi kerak boʻlgan ishlar II bobda keltirilgan. Ikkinchi bobda Xalqaro baholash dasturlarida muvaffaqiyatli ishtirok etish uchun nafaqat oʻquvchilarning balki oʻqituvchilarning ham xalqaro baholash dasturlariga oid bilimlarini oshirishga e’tibor qaratilgan. Oʻqituvchilar uchun TIMSS baholash dasturida belgilangan topshiriqlar tuzish va baholash yoʻriqnomasi haqida nazariy-amaliy ma’lumotlar keltirilgan. Oʻquvchilarning matematik kompetensiyalarini shakallantirishning nazariy ahamiyati, shu maqsadga erishish yuzasidan metodik tavsiyalar, didaktik topshiriqlar bayon qilingan.