Tadbirlarda maktab o’quvchilari o’zlarining konsert dasturlari bilan ishtirokchilarga alohida bahoriy kayfiyat taqdim etdilar

Joriy yilning 4-5-mart kunlari Namangan viloyati Pop tumanida Mahalla va oilani qo’llab-quvvatlash tuman bo’limi, Pop tuman xalq ta’limi bo’limi va Pop tuman hokimligining ommaviy axborot markazi bilan hamkorlikda “Ayolni e’zozlash-ezgulik va adolat mezoni” haftaligi doirasida tumandagi mahalla fuqarolar yig’inlarida istiqomat qilayotgan ijtimoiy himoya va psixolog ko’magiga muhtoj xotin-qizlar uchun tumandagi umumta’lim maktablari psixologlari tomonidan "Ruhiy tushkunlikdan chiqish hamda hayotda muvafaqqiyatga erishish", “Oilamiz-bizning baxtimiz” va “Shukronalik”, “Sog’lom oilada sog’lom muhit”, "Baxtiyor daqiqalarni yodga olamiz" mashqi, "Yurak yashash zavqi bilan band", “Hayot naqadar go’zal”, "Men baxtli inson bo’la olaman", "Hayotiy qadriyatlarni shakllantirish" kabi kayfiyatni ko’taruvchi, jamoada sog’lom muhitni yaratish, stressdan chiqish kabi psixologik treninglar o’tkazildi.
O’tkazilgan treninglar davomida tadbir ishtirokchilarini kayfiyatlari ko’tarildi, har bir psixolog yordamiga muhtoj ayollarning ruhiy holatidan kelib chiqib, psixologlar tomonidan ularga ruhiy va ma’naviy yordam berildi, ularga kerakli maslahatlar berildi.
Tadbirlarda maktab o’quvchilari o’zlarining konsert dasturlari bilan ishtirokchilarga alohida bahoriy kayfiyat taqdim etdilar.