Тадбиркорлик ҳуқуқи (махсус қисм)

Ахборотлаш тизими. Тадбиркорликни ахборотлаш тўғрисидаги бозор қонунчилиги ахборот манбаи (аутентик ва ўтказувчи орган) ва ахборот олувчини ҳисобга олган ҳолда ахборот билан таъминлашнинг бутун бир механизмидан фойдаланади. Шундан келиб чиқиб, қуйидаги ахборот тизимларини ажратиб кўрсатиш мумкин.
Ахборот манбаига кўра ахборотлаш тизими қуйидагича бўлади:
- оммавий. Бу ахборотлаш тизими чекланмаган шахслар доираси учун мўлжалланган ёки оммавий ҳокимиятнинг ўз қарорини халққа маълум қилиши ёхуд ҳокимиятнинг қарорни тушунтириш, ҳужжатни тарқатиш бўйича умумфойдали акцияси ёки шарҳни нашр қилишни назарда тутади;
- хусусий. Бундай ахборотлаш тизимида ахборот аниқ бир шахсга жўнатилади ёõуд хусусий шахс таклифига кўра расмий шарҳ берилади.
Ахборот билан таъминлашнинг шакллаантирилган услубларини ўзлаштиришни назарда тутиб, ахборот тизимлаштиришни қатъий амалга оширишнинг ўзи камлик қилади. Шунингдек, хусусан, шахсий сўровлар ва уларнинг жавобларини нашр қилишнинг кенг қўлланилиши, давлат органларининг хусусий ҳолатда кўпчилик тадбиркорлар манфаатларини назарда тутиши ётади (масалан, «солиқ ва божхона хабарлари» газетасининг нашр этилиши). Бошқа томондан қараганда шахсий характерли, битта тадбиркор амалиётида фойдаланишга мўлжалланган меъёрий ҳужжатларни эълон қилиш амалиёти тез-тез учраб туради (масалан, қайсидир ассоциация, корпорация доирасида ёки белгиланган турдаги товарлар, хизматлар ва ишлар учун ҳисоб-китоб қилиш тартиби).
Ахборотни олувчи шахсга кўра, ахборотлаш тизими қуйидагича бўлиши мумкин:
-умумий. Бундай ахборот билан таъминлаш фаолияти соҳасидан қатъий назар, барча тадбиркорларга тааллуқли бўлади;
-махсус. У ёки бу соҳада фаолият юритаётган тадбиркорларга тегишли ахборотлар.
Тадбиркорларни ахборот билан таъминлаш вазифаси юклатилган давлат органларининг ваколтлари турли йўналишдалигини ҳисобга олиб, ахборотлаш тизимини бундай бўлиниши мақсадга мувофиқдир.
2§. Ахборот билан таъминлаш сиёсати