Тадбиркорлик соҳасида маъмурий тартиб-қоидалар бўйича

§. Лицензияни бекор қилиш

Лицензияни бекор қилиш «Фаолиятнинг айрим турлари- ни лицензиялаш тўғрисида»ги ЎзР Қонунининг 24-моддасида назарда тутилган асосларга кўра йўл қўйилади.

Лицензия қуйидаги ҳолларда бекор қилиниши мумкин:

1. 
   агар лицензиат унга лицензия бериш тўғрисидаги қарор қабул қилингани ҳақидаги хабарнома юборилган (топширилган) пайтдан эътиборан уч ой ичида лицензияловчи органга лицен- зия берганлик учун давлат божи тўланганлигини тасдиқловчи ҳужжатни тақдим этмаган ёки лицензия шартномасини имзолама- ган бўлса, лицензияни бекор қилиш лицензияловчи орган томони- дан амалга оширилади;
   
2. 
   лицензиат лицензияни бекор қилиш тўғрисида ариза билан мурожаат қилганда лицензияни бекор қилиш лицензияловчи ор- ган томонидан амалга оширилади;
   
3. 
   лицензия сохта ҳужжатлардан фойдаланилган ҳолда олин- ганлиги факти аниқланганда. Бу ҳолатда лицензияни бекор қилиш суднинг қарорига биноан амалга оширилади.
   

Лицензияловчи органнинг лицензияни бекор қилиш тўғри- сидаги қарори лицензиатга ёзма шаклда, қарор қабул қилинган кундан эътиборан уч кундан кечиктирмай етказилади. Лицензия- ни бекор қилиш тўғрисидаги суд қарори лицензиатга ва лицен- зияловчи органга қонун ҳужжатларида белгиланган муддатлар-
да етказилади. Лицензиат лицензияни бекор қилиш тўғрисидаги қарорни олган кундан эътиборан ўн кун ичида лицензия лицен- зияловчи органга қайтарилиши ва йўқ қилиниши керак.
Лицензияни бекор қилиш тўғрисидаги маълумот оммавий ах- борот воситаларида эълон қилиниши керак.
Лицензияни бекор қилиш тўғрисида қарор қабул қилинган тақдирда, лицензия у берилган санадан эътиборан бекор қилинган деб ҳисобланади.
Лицензияловчи органнинг лицензияни бекор қилиш тўғри- сидаги қарори устидан судга шикоят қилиниши мумкин. Суд лицензиянинг бекор қилинишини асоссиз деб топган тақдирда, лицензияловчи орган лицензиат олдида унга етказилган зарар миқдорида жавобгар бўлади.

2.