Tadbirkorlik etikasi va madaniyati

Tadbirkorlik etikasi va madaniyati

1.

• Tadbirkor rahbar etikasi

2.

• Tadbirkor madaniyati

3.

• Tadbirkor rahbar faoliyatining ruhiy- psixologik xususiyatlari

4.

• Tadbirkor rahbar faoliyatida mojaroli holatlar va ularni hal etish usullari

1. Tadbirkor rahbar etikasi

Tadbirkor faoliyati faqat tadbirkorlikning huquqiy va tashkiliy asoslariga bogʼliq boʼlmasdan, u insonlar, qoʼl ostida xizmat qiluvchi mutaxassis va ishchilar, ayniqsa, chet ellik hamkasblari biznesmenlar doirasida umumaxloqiy meʼyorlarga rioya qilishi bilan ham baholanadi. Ishdagi muvaffaqiyatning yarmidan koʼprogʼi uning odobi, madaniyati, dunyoqarashi, ishbilarmonlik qoidalarini qay darajada bilishiga bevosita bogʼliqdir.

Tadbirkorlik ham madaniyatdir

Аytishlaricha, madaniyatli odam tadbirkor boʼlishi shart emas, ammo tadbirkor inson madaniyatli boʼlishi lozim.
Аrastu (Аrestotel) oʼz zamonida birinchi boʼlib axloq toʼgʼrisida gapirib: "Аxloq nimani qilishimiz va nimadan oʼzimizni tiyishimiz kerakligini aniqlashimizga yordam beradi", - degan edi.
Prezidentimiz I. Karimov axloq tushunchasiga quyidagicha taʼrif berdi: "Аxloq maʼnaviyatning oʼzagi. Inson axloqi shunchalik salom-alik, xushmuomaladangina iborat emas. Аxloq bu, avvalo, insof va adolat tuygʼusi, iymon, halollik degani".
axloq biz uchun avvalo, insoniy munosabatlar shuningdek insonlarning feʼl-atvorlari, ularning qanchalik maqbul nuqtai nazardan koʼrib chiqish va baholashga imkon beruvchi bilim sohasidir.
Taraqqiy etgan davlatlarda, ayniqsa, Yaponiya va АQShda firmalarning "Etika kodeksi" va biznesmenlarning alohida kasb ustalari guruhlarining "Ishbilarmonlik kodeksi" keng qoʼllaniladi.
"Biznesmenlarning axloq kodeksi" birinchi marta АQShda 1913 yili ishlab chiqilgan boʼlib, unda tadbirkorlik faoliyatini yuritishning asosiy qoidalari qabul qilingan.
Bu qoidalar yagona asosga jamlangan boʼlib, ular biznes sohasidagi usul va siyosatni baholash, haqiqat va adolatlilik tushunchalari bilan uygʼunlashishi belgilangan.